خلي بالك

[زهرة السوسن]

خلي بالك، يِسْلمْ حالكْ
............لا تتلهى في جوالكْ

راقب دربك وانت تسير
..............حتى تتحقق آمالكْ

شد حزامك لا تأخير
.........تلقى الخيرْ طيبْ فالك

هذي الدنيا ما بطيرْ
.........لا تتحجج لي بأشغالكْ

لوحات ارشاد وتحذيرْ
..........تهديك وتهدي أمثالكْ

حاذر تتعدى ع الغير
.....كانوا يْمينك أو فِ شْمالك

ليش تْحلّقْ مثلِ الطيرْ
........خلي العابرْ دربهْ سالكْ

ما ينفع سوء التدبيرْ
.......نفسكْ تخسرْ أو أموالكْ

فكر دايم كيف تصير
........إنت الأرقى في أفعالكْ

ادعو ربكْ بالتيسيرْ
........تحلا دنياك وتصفى لكْ

أم عمر
25-12-2017م

[سالم سعيد المحيجري]

الشاعرة/زهرة السوسن صح لسانك
أبيات جميلة جدا بمعانيها ومغانيها
بارك الله فيك ودمتي بألف خير.

[زهرة السوسن]

أدام الله ظلك، أخي سالم المحيجري
ورب يعطيك العافية على ذوقك الراقي.