العهد المكسور

[يقظــان الشهيمي]

العهد المكسور


وش لـــــي أسولف وأتعبتني رجـــــاويك
إحتـــــار صمتـــي أخنقـــه وأستكينـــــه


قد كنت بــــابي والمبـــــاسم شبـــــابيك
واليوم وتـــــري نود عـــــزفك ونينـــــه


ضيقت كوني وأشتكى الـــــوجد يرجيك
ما خفت ربك وأجحـــــد الظلم دينـــــه


البيت كنتي ومشرق الشمس ضـــاويك
واليوم جُـــــهن الليـــل عقّد جبينـــــه


أشعر بضيـــق البحر ضااعت قــوافيك
وأشعر هموم الحـــــزن في كفتينـــه


كابـــــوس كنتي أحلمك في عــوافيك
وكنتي الغــرام اللي رهني سجينـــــه


القيـد كنتي وهتـــــلره في أراضيــــك
هنتي بعـذابي وأبسطت لك يدينـــــه!


مثـــلت حبك بين كــــذب وتهـــــاليك
واللي يشوفك ضــاق حبه ضنينـــــه


ما كنت أدري وأعرفك في مبـــــاديك
وﻻ‌ كنت خـــــابر عهدنا تكسرينـــــه


بالله قـــــولي ويش ذنبي وأنـا أغليك
وأشـــــوف غيري بلهفتك تحضنينـــــه


مدري أسامح غلطه الغــــدر وأعفيك
وﻻ‌ أبـــقتل صمت غيضي وضغينــــه


ضيعت فيني اﻷ‌مس من قبل مــاضيك
وضيعت حلم الغـــد وباقي سنينـــــه


يقتـــــات حزن الليل أبيات طـــــاريك
ويموت ضحك الصبح من خانقينـــه


تحياتي / يقـــظان الشــهيمي