زحمة شعور نبطية بدمائي وآدائي

[جاسم القرطوبي]

[video=youtube_share;cHcQbb_fIZI]https://youtu.be/cHcQbb_fIZI[/video]

سجى قلبي ضحى اشراقك ي روحن صبّحت بالنور
وعيّد داخلي طفل افتخر في الفقر بالعابه

يشابه بلبل الاقفاص رغم جناحه المكسور
يسليه السجع باشجان تسكن خلف أبوابه


تزاحم في نبض دمي مشاعر هم وقاف شعور
وموج الفكر شطن زورق الإحساس في غبابه

وسالت دمعتي بالشعر وتشكّل رمشها بحور
ي شاغل بالي المحجوز كنك صرت أربابه

تشوف الحزن في ضحكي تظاهر جيشه المغدور
وتكتب في جدار الهجر لا لليأس وأسبابه


تعال وخفف الأثقال وارسم بسمتك بثغور
وعزي بالنظر خاطر فدى لعيون أحبابه

وقل تم ما على شاني على شانك ومب معذور
وحاشا ترد ضلع حبك وعوجه أنت أدرا به

ترى الصد بس ثلاث ايام لو هو زاد مب شهور
ولا تظن البخت يسعد حمل ضيع وسط غابه

ولا تظن الجري يسعف بطل أميال لو مجبور
ترى العصفور لو صابه سهم وش تفعل اسرابه