يا زيد قرب بنعطي المطرش كم

[سليمان الرواحي]

مقصب رزحه من :سليمان ود خمسات البلوشي موجه الى الشاعر :سليمان بن عبدألله الرواحي
يقول :
سميت بمن خالق مدأحيس الظلم
يا ربي يا فاتح قفولآ معسره
منشي السحايب والغمايم والديم
مالك مفاتيح الدنا والآخره
وصلوا على من فاق درجأت الشيم
يعجز لساني عن مدحه ومفاخره
ويا طأرشي اوحيني بحدبات السنم
لي يقطعن طعس السيوح القافره
با طرشك عاني جدا راعي الهمم
رجلآ شرا صوم وصلاه فرض اقدره
بتحصله ف الفيحاء راسم مرتسم
سليمان عبدالله وجنوده وعسكره
بني رواحه ما يهذروا اخصيمهم
ل اشتدت الهيجأء يهيبوا القسوره
عربآ تكانه ساعة م الناهم نهم
يثيبوا الصايح ما يثنوا ابعاذره
يا صاحبي بشكيلك من نكال الهم
من جور زمني ومن كثرة مناكره
ما أشكي قصيرة مال واخساير سهم
أملك خزن كسرى وقصورآ عامره
لكن شقايه ما أقدر أطريه بالأسم
وانت تعرفه العاشق لين هل اعبره
جرح سعيد افوادي مزيون الوشم
أبكي زماني من نحيل الخاصره
وعوق الموده مايفيده دواء بلسم
كل عاشقآ يعرف طبيبه ودختره
عطبولتآ خدلج نظرتها سهم
وآشيب حاله لي تشوفه وتنظره
سيفآ يماني تملك في خلقة خشم
ياليتني عقد اف وريده ومنحره
وياليتها توطى حشايه بالقدم
بدعى لها ضامر فوادي قنطره
لا تلومني لين سالت عن دموعي دم
من ريت موتي في غواها تزقره
وفي التاليه بناشدك وأبغى العلم
ان كان توحي للمثال اتفسره
أنت كهين امعاصر مالك بن فهم
وآنا معمدنك خليفة حيدره
عقب الموده جأفني بنات العم
وحده اهلكت وحده اطبقت ف الدايره
لولا شريعة الله ويحكمها اللزم
ولا بتهلك ف الجحيم الساعره
حد م اليتامى يبكي وحدآ في نعم
وآنا على القصه عيوني ساهره
الله يعظم ها المصيبه والوهم
حن نحمده فضل الألهي ونشكره
واختم مثالي بسورة يوسف والنجم
حرز وطلاسم عن عيونآ حاسره
،،،،،
مقصب رد من الشاعر سليمان بن عبدالله الرواحي الى الشاعر سليمان بن خمسات البلوشي

سميت بالله أول ما امد القلم
واﻵدمي لازم إلهه يذكره
يلي نشا آدم و خلقه من أدم
من أربع خلقه نشاه و صوره
و صلينا على نبينا من عالي الرسم
سلالة بني هاشم كريم السيره
خصه الالهي خصه بمعجزات ضم
شفيعنا يوم الوعد و المحشره
و حيّا بطارش جاني في وقت العتم
يا مرحبا به ألف مليون عــشـره
قال لي فيدي طرس ٍ مزين بالختم
من صايغ ٍ يله رسوم شاهره
قلنا له حيّا بمن نقش صوغ النظم
شروى التبر ينشح علينا و نثره
شاعة علومه شاعت في دار العجم
سليمان بن خمسات نعرفه ونحذره
وتبغى حكم منّا شرى حكم العظم
عطيه ما تملك و زيده جواهــره
طلبه بشريعة ربك برباط وحــزم
وبتنال منه مكسب ويزتاد أجـــره
وكم قلت لك تجنب عن درب العسم
تجنب مهاليك و دروب مخــطـره
ما تلوف منها الا مهمات و إثــم
و تتعب بروحك من كثر المداوره
غيدا خذت منه القمر سهم و قسم
ويفوح منها الاذفري و ذرايـــره
ف حل اللزم ما تعتذر ف حل اللزم
كعوب لعوب بو صبـوع مــازره
قالوا سئل قلنا جواب ٍ ما انحسم
ويالابتي كل مشتري ما نصــبـّره
لي وصفتهن معنا كثيرات و قدم
ف حـل النوايب كالبروق النيّره
وعن اربعه فمرجل صفر طاحوا غشم
واحد فلت منهم بسمعه وبصره
وبونه الصفر صنعت وساتيد العلم
ما تحرقه نار الشعيله و تهــدره
و يا زيد قرّب بنعطي المطرش كم
يوجب علينا الزاد ف حله و سفره
عنلا يقول شحيح وصاحبكم غــتــم
ويزقر علينا في الحوايـر مــهذره
عشرين عندي وعشرين ٍ كتبنا تم
ريحان مع ريحان و خمسه مصدره
والخاتمه سلامي على بحر الخضم
حمد و ربوعه عربانه و عشايــره

تم