يمكن..؟ لحظــة فيني تشعـرين..

[عبدالكريم السعدي]

اعتقد بأني سوف اتركها هكذا مبهمة دون مقدمات..

قلت اعتذر قلت اجرح احساسي
على شانك وموت
قلت ابتعد لكن ذبحني هالفراق..
قلت انثرك وارجع اجمعك
وانثرك ثم اجمعك
ماهو عشانك اجمعك
لكن انا صاير حطام
واخاف كلما انثرك
يرجع يلملمك الضياع..
وضيع مثلك وانتهي
ويداعب احساسي آلم..






جيت وانفاسي تلهف تحضن اشواقك وراجع
ـــــــــــــــــــــــــــــــــــــــــــــاعزف عروقي موسيقى مثل مقطع شكسبير

جيت وطعوني طعونن ترزف احلامي مواجع
ـــــــــــــــــــــــــــــــــــــــــــــوالمشاوير الحزينة جات تز..فر.. رني..زفير

اه وكفــوف الامـاني تطرق ابواب المضـاجع
ـــــــــــــــــــــــــــــــــــــــــــــمن عرفتك والشتـات يعانق احساسـي هجير

كــل ما ناديت وجهي يمتلي صــدري فــواجع


كح.......؟



ـــــــــــــــــــــــــــــــــــــــــــــوالباقـي الانيــن اللي توســدني سعيــر......!

ليــه احيــا بك انيــن وليــه انتهجـك مراجـع
ـــــــــــــــــــــــــــــــــــــــــــــمن قصص قيـس الملـوح وابتكـاراته جـرير

يبتهـل عــرق الحنـايا وينبت بــ عقلي تراجع
ـــــــــــــــــــــــــــــــــــــــــــــوالمصيبة كــل ذكــرى عنــك تجبـرني اسيـر

وان بديت احزم حقائب غربتي نبضي يراجع
ـــــــــــــــــــــــــــــــــــــــــــــسيرة الحب المناظـل جبهة الشــوق الكسير

يــاه كنتــي اه صرتـي اه يــا هــالليــل فـاجع
ـــــــــــــــــــــــــــــــــــــــــــــقـد مـا تستر عيوب اشخاص ما تشفع لـغير

قـد مـاتملىء سمائك بهرجت شيطان ساجع
ـــــــــــــــــــــــــــــــــــــــــــــيسترق من هالخشـوع ارواح للمـولى تطير

انتمائي إلـ فصولك لربعة تدر..يـ..يــن ناجع
ـــــــــــــــــــــــــــــــــــــــــــــمـن شعــوري اني قـربك دوم انفــاسي بخير





يا عذابك والسنين اللي تمر
احساس مخنوق بغيابك
يا برودك والحنين يجر
رجله عند بابك
وانتي مثل الصمت لونك
فـ انتكاسك
قاسية ما تشعرين
ظالمة ما ترحمين
ميته فيك الاماني
ومظلمة عندك سنين
اه من ظلمك رجيم
واه من جرحك رحيم
وانا جيتك شخص حبك
مات ببحورك وشـاب
يمكن اني لاكسرني الخوف
فجأة..؟

لحظة فيني تشعرين

لحظة فيني تشعرين

لحظة فيني تشعرين....؟





عبــدالكــريم السعـــدي