قضيت العمر محتاج

[خليفه الغافري]

مساء الخير أحبائي

هنا بعضي وبعضي الآخر هناك

قصيده أتمنى أن تلامس أرواحكم







تحياتي لكم جميعآآآآ





قضيت العمر محتاج





عيون السهر ترقب من ايد الألم إفراج
وصبح الفرح يا للأسف صد ما كنه


قسى مــ انتشل فكري من ملاطم الأمواج
فــ بحر اليأس أمضي ولا أنتهي منه


بلا أي هدف في درب مالي أبد إخراج
ولكن لروح الصبر ذا الفضل والمنه


قضيت العمر حالم قضيت العمر محتاج
من الحظ لو بسمه أطالع بها سنه


وأغير ملامح كبر في وجهه...وإحراج
نحته الزمن في وجه(ن) الضيق كاسنه


هموم المسا تسري إلى مضجعي أفواج
ودمع الجفا ما عاد ذا الليل مخفنه


يبان الوجع فيني ولو ضحكتي له سياج
كأني عجزت أحوي هنا الحزن وآكنه


ف صدري يفيض الجرح لين بسكوني هاج
هنا للأسى وادي فـ جوفي صدى الحنه


طريق العذاب أضحى فــ شرعي أنا منهاج
كأن العنا فرضي وعيش الهنا سنه


تعبت أنظره باكر من عيونها الأبراج
وعرافها ما يوم فيني صدق ظنه


ثواني مــ بين إسراء ذا الوهم والمعراج
ثواني مــ بين الضحك ومسامر الونه


مثل حالة المبلي إذا ما شفاه علاج
تخدر طعونه بس للحظه ويبلنه


ولكن فهالعتمه بقى في يديني سراج
ونوره طريق الحلم لو دهر كافنه


سلاحي الأمل والعزم كله لبسته تاج
وجرحي مصير سنين الأحلام يبرنه


أنا حصني مشيد وبيت الصعاب زجاج
وكاس الشهد ذا الوضع ما ردني عنه






ألف شكر ع القراءه