اسئلة....

[وليد الحضرمي]

اتصدقي....

كل الهموم اتكاثرت

واستوطنت فوق الضلوع...

واضوت من الفرحة شموع...

واتناثرت في عيد فرقانا دموع...



ليـــــــــل.. والظلمة عذاب وقلبي المغرم ينوح
اسئلة تسكــــن خيالي وابغــــــــي حل الاسئلة

ليه..!! وش ذنبي اعاني من توالي هالجروح
ومن يحبك ليه روحــــــــك في المحبه تهمله

الامـــــــــاني تستغيث / رايتٍ بيضـــــــا تلوح
سلمت لليــــــــــــــــاس دربٍ استحاله تكمّله

والصبر خالف خضوعي مل واختار النزوح
ما تحمل حب كــــــــــاذب والغدر ما اتحمله

الامــــــاكن ما مداها تحتضن عطرك يفوح
شلته ريــــــــــــــــح الخيانة جاتني متسلّله

حلم وردي بك رسمته شيدت لي به صروح
آه يــــــــا حلمٍ رسمته ضاع في درب الوله

جيت من اقصى كياني ارتجي صمتك يبوح
ودي اعرف عذر غدرك وين سر المشكلة

ضـــــاعت انفاسي حنين والخفايا هم روح
نفسي القى في ضميرك شخص حي واسئله

اسئله والحل حاير يرتجي عطف الجروح
والغريبة من يحبك ليه روحك تهمله...!!!؟؟

واتصدقي...
برغم الجفا..
ورغم الجروح..
ورغم الدموع...
باقي وقلبي للابد...فنفس الطريق اللي التقينا انتظر....

......لحظة رجوووووع......