عطر المناديل

[عبدالله القاسمي]

وش عاد بايدي لاغدا الهم صاحبك .. وش عاد اسوي وانا مقهور بلحيل
الفل والنرجس ولمة حبايبك .. كل شي ذابل يوم بعثرت الاكليل
حتى الهبوب الي يورد سحايبك .. يشكي فراقك ويشكي ظلمة الليل
يوم السفر وانت توضب حقايبك .. هلت دموع العين من مقلتي سيل
هلت دموعي وما دريت انه غيابك .. بيزيد بي اللوعات وبيجيب لي الويل
ياذا البعيد ارجوك بالله طالبك .. عود ترا مشتاق لشوفتك حيل
عود تراني واقف(ن) عند بابك .. ما فادني شالك وعطر المناديل
ولا فادني طيفك وريحة ثيابك .. ولا فادني نور القمر ومطلع سهيل
ارخي حبال البعد وخلني اعاتبك .. وخفف حمولة غيبتك يا ريحة الهيل
وبدا كلمك لي بكلمة هلا بك .. وبسامحك ع طول يا زاير النيل

النسخه الصوتية راح تلقوها في المكتبة الفنيه