ديار الماضي

[مشاعل الراسبي]

سوالف ضاقت بصدري وصوت الآه واشجاني ..
ودمعه حايره بعيني تناجيني واناجيها..
وصمتن يكتم انفاسي غدى طبعي وعنواني..
تمعنت الوجيه اللي انا اجهل وش اسميها..
مع انها تقول تعرفني ومحال فيوم تنساني..
تقول انها ترا ناسي وعزي يوم انا ابغيها..
ولكن كل ماقالوا ترا قالوه خلاني..
وراحوا واتركوا داري بقايا في اراضيها..
تناسوا واتركوا همي ودمعي بوسط اجفاني ..
يا سامع صوت بأعماقي رجيتك لاتخبيها
أمانه كل ماتسمع بجوفي اعلن اعلاني
ترى بنت الكرام اللي تساوي الف من فيها..
غدت بنتن لها وزنن تصوغ الشعر قيفاني
وتمدح كل ذي هيبه وتهجي من يعاديها
ولاتبكي على خاين ولاتشره على انساني
هذيك البنت لي كانت هبوب الكوس يثنيها
تقول"اصبح ليا البارح بقايا آه واحزاني
تعلمت النفوس اللي هوتني وش خوافيها
رحلت بمركبي البارح اردد بيت بكاني
"ديار الماضي هاأنتي حويتي الكل فاحويها
حويتي الامس اجدادي واليك اليوم اشجاني"
بواصل رحلتي وبوصل لدارن كنت انا انويها