{ نور العين }

[حمد العبيداني]

إنت نور العين وانت اللي سحرها

وإنت ضيء معانين ليل قتيم

وأنت نفح الخير بالدنيا عبرها


العمر يفداك وتعيش ف نعيم

تنثر الفرحة إبروحي وتسرها


ويتجدد شوق بقلب سقيـــــــــم

النفس تسعد بشوفك ياقدرها

وينجلي حزن كساها وكل غيم

نازل بحشاي ومالك كل أمرها
ا
صار لك أيام وسنين مقيم

لو حياتي الدهر بصروفه قهرها

هانت الآلام دام إنت سليم

مايريح العين لو لاحت نظرها

وانظرت غيرك ترى غيرك خصيم

من يباهيك الغلا بأرضي وبشرها

ياحسين الوصف من هو لك نديم

كل ليله من العمر إنت بدرها

ماعرفت ف ليلي معناة العتيم

حسنك المفتون روحي قد بهرها

مازجن كل الحلا بك ياوسيم

في بعادك زادت أشواقي غزرها

وأشعلت بالجوف نيران الجحيم

خذ عيوني وإنتزع منها بصرها

وعيد لي قلب شقيته ياغريم

تهتني بنوم وأنا عيني هجرها

ونبرى حالي وربي بي عليم

مهجعت روحي دايم في سهرها

تنتظر في لوعة زولك يهيم

مايهم النفس لو ينفذ صبرها

واصبحت من صبرها جسد رميم

الهوى قد حل وضيع كل حذرها

والهوى ياصاح مايعرف حكيم

أسمعك ونات من صدري أجرها

فيها شوقي فيها أحلام اليتيم

العيون اللي ادمعت عطها عذرها

ماتطيق الهجر ولا بعد مديم

مايلام اللي بدى بحاله عسرها

دنيتي ياصاح ضيم فوق ضيم

مايبرد لاظي فيني بحــــرها

لا دمت الأيام لي جرح قديم

البكا مافاد روح في قبرها

والوصل يبري جروح بالصميم