قطار الأمس.. أبد ما فات

[صدى الونه]

جيت أسابق ضحكتي ..
جيت ولهفي فرحتي ..
جيت أوزع عطر ليلي ..
بدنيتي ...
واشتري لي من رياض الورد لونً ..
يبهر الكون المعتم في حضوري وطلّتي

يا هلا بحرفه وسهلا
تنور الصفحات شوفه
خلى قلبي مع شعوره
يرتجف ...
بين أضلاعه وجوفه
ودي بس لو ود ودي ..
تغرق الصفحات من كل القصايد
والشعر تصرخ لي حروفه..
هدّي .. هدّي
وخلي الخافي حبيبي
يرتوي من خوفه الدامي وعدّي

صحيح إن الزمن داير
صحيح إن العمر أوقات
نسافر في رحاب الهم
ونخفي حبنا الحاير
يجي فجأة كذا وكنه
قطار الأمس.. أبد ما فات
تعب يشكي
تعب يبكي
وتعب حتى من صراع الذات
تعال وخلنا نرحل
نسافر في قوارب (م) الأمل بكره..
بألحان المنى ننشد ..
نودع كل ما قد فات
وصحيح إن الزمن داير
وصحيح إن الحلم ما مات