تعبنا نحسب اﻻيام. .

[عبدالكريم السعدي]

بغيت أكتب قصيدة في جﻻلة سيدي من عام
وتدري سيدي ما قد وصلت لهامتك مرة

إذا بكتب يجي اﻻلهام خايف مثقل اﻻقدام
يخاف يقصر برجل(ن)تحبه النفس وتقدره

ونا يا سيدي مثله اخاف ان الهجوس أن رام
يجسد عظمتك في بيت شعر(ن)ما وفا شعره

ﻻنه سيدي إللي مثلك من البشر لعظام
قليل ف حقهم مدح وقصايد ما تجي قطره

امام افعالك إللي دومها تمشي بنا قدام
الين عماننا صارت عروس(ن) فيك مفتخرة

ترا يا سيدي دونك ما بالغ لو قلت أيتام
يمد الحزن فينا والشهور تمدنا حسرة

بﻻدك يا بعد راسي حشا بالله ما تنجام
وكيف نجيمها وأرواح فينا ضيق معتصره

نمني نفسنا إنا نشوفك والقلوب سقام
ما غير أن الدعا يسبق اماني أرواحنا صبره

غبت عنا وغابت شمسنا وازدادت اﻻﻻم
وكيف نفوسنا تحيا الفرح بنفاس مندثره

متى ترجع متى ترجع تعبنا نحسب اﻻيام
نقول انك تجي باكر وحسك مالفى عطره

تراك أنت العزيز إللي بدونه مالنا مقدام
تموت اعزومنا فينا وﻻ تبقى بنا قدره

ترا يا سيدي يا عز دولتنا العزيز الهام
نحبك حب(ن) يعانق سما ويفوض من كثره

مدامك فخرنا ﻻ والله انك فخر كل اكرام
يكفي عدلك إللي هالخاليق فعله تذكره

رخصت بصحتك من اجلنا عام(ن) تلا أعوام
واهملت البدن من شان شعبك يسعد بعمره

بنيت وعمرت واعطيتنا من نهجك اﻹقدام
على حب الوطن والتضحية والجود عن فطره

بعد ما كانت بﻻدك بﻻ روح وبﻻ أنسام
غدت في حضرتك نهضة بهية بمجدها دره

بعد ما كانت بﻻدك ف قبضة ذا اﻻنين خطام
بفضلك شوفها تعلو علواً ما انتهى كبره

نعم قابوسنا لوﻻ طموحك ما نهض أو قام
مجد وﻻ رقى عز بوطنا وانتهى امره





عبدالكريم السعدي