|
|
|
| روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
      |
|
|||||||
 |
|
|
أدوات الموضوع | انواع عرض الموضوع |
|
#1
22-11-2009, 11:28 AM
|
||||
|
||||
أنا أدري لا نقشت إسمك بقلبي ينتحر عصفور
هلا ومسهلى مرحباين عوده لكل من يمر ويقراني هنا .. بدايه ولآنها كانت بدايتي ... إلى صديقتي ( بدريه العريمي ) رحمة الله عليها سنه واكثر وانا أصبّر شقى ليلي بشمس نهار عساني بس أغمّض عين والقى روح ( بدريه ) أ س و ا ر 
|
|
#2
22-11-2009, 11:44 AM
|
||||
|
||||
|
يـ ربي يكثر إزعاجك *
فيه وحده كل يوم تتصل فيني ومن تخلص تقول آسفه أسواري أزعجتك هالأبيات لـ قلبها بس إذا أنته بتزعجني أجــل غيرك وش يسوون؟؟ إذا الأزعاج عاجبني أمانه كثــرّ إزعاجك تصدق ضايقوني كثير شالوا فيني وحطون ولانك قلت لي مـره إذا ضقتي انا علاجك طلبتك هاك خذني بعيد عالجني وهم يدرون إذا ما شالني العاصف ترى بيشيلني اعجاجك يشتتني وسط دمك يلوني غلا هاللون بس اتلون كذا مشهد اجي كلي لابهاجك حبيبي تذكر الكلمه صلاةٍ لحظة يصلون بلحظة قلت ادعي لي ترى والله محتاجك انا من يومها ادعي لك بقلبي الحاني المجنون ياربي يكثر ازعاجك \ ياربي يكـثر ازعاجك أسوار صور*
|
|
#4
23-11-2009, 08:27 AM
|
||||
|
||||
|
أجيني من قصى روحٍ بعض أشلاء شي مكسور
يلملمني سحر عطفك وكل جــــرحٍ تغذا بك أزيني لجــل شوفتك وادري ما سواك عطور وادندن كل هديل السرب واثري الطير اسرابك أحبك واحتفل بك عيد كــــوّن من حضوره زهور نثر كل الاماني بــوح وازرت بك تغنّــــابك انا ادري لا نقشت اسمك بقلبي ينتحر عصفــور مثل كحــــلٍ قضى نحبه ما بين الشـوف واهدابك وانا ادري لا بكت غيمه على مرقد تثور عصور تجي من عمق سابع ارض روح اتجسد احبابك أحسك كل حلو فيني أحسك ذنبي المغـــفور دعائي لاسجدت أدعي مغــــير الله تـــرى جابك أسوار صور *
|
|
#7
24-11-2009, 07:43 AM
|
||||
|
||||
|
الكرز زعلان *
( إهداء ... إلى وحده فـ بالي ) مساء العشق بالأحرى مسا مجموعة الأنسان عقب وشلون أحوالك انا بخير يا ســتي رغم إني حزينه حيل وايامي غدت حـــرمان رغم إني أموت ابصمت واتعثرت من غــبتي حرام المي على عيونك وقلبي من العطش تعبان تعالي يرتوي عمري ومنهو في غــلاك انتي احبك يا سفر غــيمه / يـ نارٍ تدفي البردان يضحكه تلثم الضحكـات يـ اختٍ من غلا أختي علامه هالكــرز يومه تفاءل أنطوى زعلان علامك تجـرحين النور وانتي النور لا بنتي أنا بخيرٍ قسم بالله لكني وسط أحــزان أصارع لعبة السائل / مـنو ماخذك عن وقتي ؟؟ أسوار صور
|
|
#8
24-11-2009, 07:46 AM
|
||||
|
||||
|
قالوا : لا تسأل عن المرء بل إسأل عن قـرينه
هناك من يمرّون بحياتنا ويأثرون بها , وهناك من يمــر مرور الكرام - كأنك ما حسّيت في مروره_ رايحه أخبركم عن صديقه أثرّت في حياتي وايد حتى إني شعرت بإني إنسانه كأني خلقت من يديد للدنيـا .. هي صديقتي غفر الله لها ورحمها ( بدرية العريمي ) _ ( بدريه ) عرفتها من خلال دراستي فالكليه .. كانت تسبقني بعدّت سنوات زارتني في المنزل ذات يوم وشاهدت العجائب ف حجرتي .. صوّر لفنانه كنت احبها وايد شرائطها لا تفارقني .. في أي مكان أذهبه .. الهمم سألتني عقبها سؤال .. قالت لي : أني مب مطوعه ولا متدينه بس اخاف ربي وايد .. شو الفايده اللي بتلجينها من سماع هالأغاني ؟؟ قلت لها عادي مشي فايده بس كيه احب اسمع .. قالت لي : متعرفين إن يوم القيامه في سؤال راح يسأل لأذنك عن اللي كانت تسمعه وعيونك عن اللي شافته وإيدك عن اللي شالته .. وهكذا كل عضو فيك راح ينسأل شو كان يسوّي فالدنيا .. بصراحه معرفت شو اجاوبها .. اول مرّه حد يسألني هالسؤال ؟ اول مرّه حد يقول لي إن اللي تسوينه ترى غلط .. قالت : ما ابيك تزعلين منّي بس أبا تعرفين شي واحد إنك محاسبه عن كل شي تسوينه مهما كان حجمه المهم دارت الأيام وتمينا مع بعض .. مزعلت منها ولا تضايقت .. العكس حبيتها والله وحسيت بشي فقلبي ينجذب لها بسرعه .. كانت ما تفارقني أبد سواء بالكليه أو بالأتصال بالتلفون .. كانن ربايعي يقولن لي هالبنت معقده كله تنصح بس .. كيف تمشين معها وبعدها اكبر منك المهم الله كان كاتب لي الهدايه ولله الحمد ع ايدها .. مع مرور الأيام والشهور والسنين صارت ( بدريه ) صديقتي اللي تقرب روحي .. واختي الكبيره العطوفه الحنونه ومع مرور الأيام والسنين الآخرى .. فقدت ( بدريه ) في حادث سير كانت متجهه إلى الشارجه لزيارة أهلها .. حينها فقدت كل شي حلو في حياتي .. بس اللي ما فقدته سؤالها يوم قالت لي : متعرفين إن يوم القيامه في سؤال راح يسأل لأذنك عن اللي كانت تسمعه وعيونك عن اللي شافته وإيدك عن اللي شالته .. وهكذا كل عضو فيك راح ينسأل شو كان يسوّي فالدنيا .. هالكلام .. تم ينخر بضلوعي وأنفاسي .. ليومي هذا وأني ادعي ربي ليل نهار حتى يغفر لي ولها ويرحمنا برحمته .. صرت أسمع القصايد والشلاّت بدل الأغاني .. صرت احط صور الأطفال والمناظر الطبيعيه في حجرتي .. صحيح أحيان أنجذب لسماع الأف أم فالسياره .. ولكنني احاول وعسى الله يهديني !! آآآآمين .. * قصه مرّت بي في حياتي .. وأردت سردها علّها تكون لأحدكم عبره .. ربما ولم لا !! كونوا بخـير
|
|
#9
24-11-2009, 07:48 AM
|
||||
|
||||
|
تأتيني من الغياب
من حلم الصداقه .. إلى واقعها .. أربع سنوات .. تمتليني فخر لا أستوعب أين يكمن منبعه أربع سنوات .. وأنا انظر لنور الشمس فقط لآنه نور وجهها! تأتيني من واقع لترميني بقلبها وهي معلقه بين أوساط روحي ! أكاد أجن حين اجزم بإنها تقبرني مليون مـــره ولا أموت !! ,, جئت لآنني وجدتها قبل أيام ......... للحديث رمق آخر
|
|
|
|
 |
 |
العرض العادي
