خــطر فــي خـاطـري وخـفف عـني الاوجـاع 

 وبــــدل غـــصتـــي وخلا خـــاطـــري مـــشدود

عـجبـني قـاف مـطرز طـبيـعي بـالطراوه فاع 

 كـما فـوع الـزهـر والـورد لـي هـبه نـسيـم النود

بحيث أنه شرى اللؤلؤ منقي من عميق القاع 

 وطــواشة طــرالــه الــود وزيــد فـالـنقـاوه زود

شـكى مـن ليعه الوجدان والحرمان والاطباع 

 شكى صروف الليالي وصاغ لحن بالحزن معدود

غـريـبيـن الـذكر صدقه مصايبهم تجي أنواع 

 وتـرانـيم الـعمـر ضـحكـه صداها غايب وموجود

نــحس أبــها ونــتألــم مـع هـذا لـها نـنصـاع 

 ولـي مـا يـطابـع الايـام عـطاهـا يصير له محدود

ألا يـابـن عـلي عايش وجاري سائر الاوضاع 

 تـرالـي يـعشـق الابـحار مـا يـهمة الـذي مـفقـود

عـسى أيـامـكم تـهنى ويـرجع مركبك بشراع 

 ظـافـر يـا فـتى ظـافـر وتـحظى بـغاية الـمقـصود

أنــا كــدبـس شـاقـتنـي تـماثـيل حـوت لـبداع 

 جــميـلة ورائعة جـداً مـزخـرف لـونـها ومـفنـود