مــا يــصيــر الــلي يـحبـك تـمنـعه

مـن غـرامـك أو وصـالك تقطعه

ما سأل عنك سوى شخص ٍ مُحب

لا ظــلم لــيلــك سَرى حُبــك مَعَه

و انْ تَحـــدّاك الــزمــان وعَانــدك

أو هَرقْ حَظّك عِيـونـه بـاصْبـعه

تِلـقى مِنْ يـعطـيك مـن صَدره دِفـا

نــار لــعيـونـك حَطـبهـا أضـلعـه

لــو يـغيـب اسْبُوع شـهريـن وسَنـه

أو بَريـد ِالْحُبْ خـطوطـه مْقـطّعه

مــــا نِسَى حُبَّك و لــــو حَتى قَسَى

وَقْتـــه و حَظــهْ تِحَالــفْ واتْبــعَه

مــا نِسـاكُ و كـيفْ يـنْسى مـنْ غَدا

انـتَ نبْضَهُ وانتَ عينه و مَسْمَعه

يــا حَبــيبــي مَا هِي بـيدي غـيبـتي

مــيرْ حَظـي والـظروف الـمَانِعـه

مَا تِجـي الـدنـيا عـلى كـيف ِالهَوى

أو تِجـي كـل الـظروف مْطـاوعه

لـو تِجـينـي كـنت أجـيلك يا ضوى

قــلبــي الأشــواق صُوبـكْ تِدْفَعـه

لا يــصيـبك شَكْ ولـك عـندي غلا

فـي سـويـدا الـقلب خضرا أفرعه

لـــه مَقـــام ٍ مــا يــنالــه مــن رقى

فـوق هام السحبْ .. عالي موقعه

مِن صِغـر سِنّك أمـوت و أعـشقك

لــو أكــون ِالْجــفنْ إنــتي مَدْمـعه

أقْسِمَ اوقــاتــي و لا لــي مـصْلـحه

والأمَل بـــاقـــي وحُبَّك مَرْجـــعه

شــاغــل ٍ فــكري وقــلبـي مِنْشـغل

فـينـي الأشـواق صـارت مـعمعه

لـو تـكون بْعـيد عـنْ عـينـي .. ولو

شـاب راسـي والـدمع جَفْ منبعه

فــي خـيالـي يـا خـيالـي لـك وطـن

لـك جـبال و لـك بـحار وأشـرعه

لــك حــبيــب ٍ شــايـل ٍ حـبك مـعه

صورتك (ف) القلب (6 ف 4 )