امــيمــتي لاتــلومــي بــي .. لــقيــت قـربـه جـنتـي
لاتــجبــريــني أتــركــه أو بـالـبعـاد آنـا أجـبره
لــو كــان قــلبــي فـي يـديـني .. كـان قـلّت حـيرتـي
لـكن مـلك قـلبـي وعـقلـي أرجـوك يمّه المعذره
أطـلب عـفّوك .. عـفو ابوي .. حتى اخواني وجدتي
الـفرقـا الـلي تـطلـبون مـاهـي بـضمـن المقدره
مــن يــوم عــينــي شــافــته غــيّر طلاســم دنــيتـي
كــل الــسعــاده أعــيشـها لـما عـيونـي تـنظـره
فــاهــمنــي فـي كـل الـظروف / رجّع إلـيه بـسمـتي
ملاك فـي عـينـه .. وهـوّه مـعتـبرنـي جـوهـره
لـــو لـــكل مـــنا قـــبلـــته .. أشــهد بــأنــه قــبلــتي
يـبهـرنـي فـي روعة جـمالـه وانـا بدلالي ابهره
يـــمه .. اذا ســـبتــه انــا مــنهــو يــنوّر لــيلــتي ؟؟
ردي عـلي يـمّه وقـولـي الـليل حق من أسهره؟
هـوّ الـهوا .. هـوّ الـنبـض .. هـو راحتي هو سلوتي
هـو كـل شـي يـمّه بـحيـاتـي بلا نـفاق وثـرثره
قـولـي لـي يـمه : شـو شـعورك اذا نـدهـتي ( بنيتي)
أكـيد كـل الكون يصبح من سرورك ما اصغره
نـفس الـشعـور أحـس بـه .. لـما يـنادي ( حـبيـبتـي)
يموت فيني .. وكل شي في داخلي بجد يسحره
تـدريـن لـو بـعدونـي عـنه .. تـحتـرق بـي شـمعتي؟
تـصبـح مـسافة كـم شـبر بـينـي وبـين الـمقـبره
شوْصف إلك .. شحكي إلك .. غير اللي قلته اميمتي
الــمشــكلــه أعـجز أصـف الـحب الـلي أشـعره
