 |
قسم نوافذ
يا بلادي |
|---|
يا بلادي
هالنشيج اللي تخطى
حاجز الدمع .. وبرد
ما تعب من كثر نوحي .. أو سهادي ؟
يا بلادي
ليش لا تهنا نمشط هالظفاير
غيمة تجمع مداينها حرير ؟؟
للسما رمل وحجارة ..
والنجوم تمر باطراف النهار
بين أهداب السحاب
وما تجينا
من ( عراق ) ..
لجرحنا .. لا حزاننا
لاطراف هالشاطي
نخيل .. بدون وادي
يا بلادي
ليش هالموال يبكي في مداه ؟؟؟
شوق ؟؟
أحزان ؟؟
ضجر ؟؟
دموع ما تنبت زهر ..
أو عشق ما يشبه تراتيل الصلاة ؟؟؟
يا بلادي
الصلاة بداخل عيونك جريمة
السفر ما بين أهدابك حرام !!
يا بلادي ..
في تفاصيلك وفا
في وفائك تشبهي شمس النهار
في نهارك
كل شي حولي طبيعي
إلا غدري !!!
يا بلادي
لو نسى هذا المطر عشق الصحاري
لو تقطع كل إحساسي شظايا
لو يموت بداخلي هذا الفجر
عصفور
يبقى شوقي
يبقى حزني
والسؤال اللي ذبحني :
ليش لو أجمع غرام الأرض
ما يشبه غرامك ؟؟
ليش كل الأغنيات تضيق فيني ؟؟
وليش ما يبقى سوى
همي .. وذلي .. وانهزامي ؟؟
يا بلادي ..
يا بلادي ..
|
|
|
| | |
