تـــأكـــد لـــلنـــدم دمــع ٍعــلى خــد الــوفــا هــطّال
وســيّل والــكحـل خـضّب أصـابـع كـف تـمثـالـك
ونـاداهـا الـصبـر ( ردّي ) بـعدنـي مـاسك الفنجال
ولـــو بــردت دلال الــوعــد أكــسّرهــا لإجلالــك
أنــا مـا راح أنـطرهـا لاجـل تـضرب بـي الأمـثال
أنــا بــدوي ولــد بــدوي إذا هــالــعلــم مــا جـالـك
انـا لا مـن عـطشـت اشـرب بـعزة نـفس مـا بـذلال
ولـو كـان الـمذلـه عزْ ( يـ ) نفسي الموت أهنالك
تـــعنّيــني .. تــمنّيــني ومــن ثــم ٍ تــقولــي (فــال)
ألا يـا كـبرهـا كـذبـه ( وهـو كـل يـوم ذا فـالك!؟)
وهــي كــل يــوم تــتمـرر واقـول يـعدّل الله الـحال
إلـي إمـتى أظـل أكـذب عـلى نـفسـي وذا حالك !؟
وشـمعـي لـي مـتى يـبقى يـعايـش جـمرة الآمال !؟
و لــي إمــتى أنــا أبــقى أشــيل الــهم كـرمـالـك!؟
ولي إمتى أظل أجرى ورا ظرف الوقت والحال!؟
وعـينـي عـايـشت كـذبـك وزيفك والوعد لالك !؟
و لــي إمــتى أظـل أحـلم وحـظي لا عـدلـته مـال!؟
وهــمّي مـن كـثر هـمّي صـبح فـي قـلبـي الـمالـك
وهـو يـعنـي إذا ربـي عـطاك الـحسـن حد هبّال!!؟
تــظنّي بــس خلاص الله مــا يــعطـي لأمـثالـك !!
وهــو يــعنـي إذا مـغرم أبـيع الـنفـس بـيع الـمال !؟
و أخــضع لاجـلهـا عـينـك أبـوّس قـاعة نـعالـك !
حِلـيلـك والله يـا انـتي ، خـلطـي الـنبـق حـب الـهال
وسميتي الصقر(صوصو) يا الله إنتي وخبالك!!؟
وشـفتـي فـي الـصمـت ذلـه وقـلتـي أهـزم الابـطال
انـا صـامـت (أتـكتـك) لـك ، وألوي حولك حبالك
جــهلــتي الــصمــت أفـعالـه وهـذا عـيبـها الـجهّال
وانــا لا قــلت أفــعلــها وشــوفــي مــطلـع هلالـك
أنــا يــا بـنت أعـلنـها حـرب تـحريـر وقـولـي قـال
خـطوطـك عـندي مـكشـوفـه وأدري ويـن مقتالك
