 |
قسم متنوع
وطن |
|---|
المنامة / البحرين - أغسطس 2006 مــ
(1) المقطع الأول
أيش يعني لو تغرّبنا زمان ٍ
غربة ٍ و القلب يشقى
الزمان القاسي يبقى
و الجروح الصارخة ياما تنادي
يا وطن اسكن أماني غربتي ..
يا وطن ها القلب فيني يستجن
لحظة ٍ فيها غيابك
ودّي أدفع كل شبابي ..
بس لا تخسر شبااااابك ...
آااااه يا محلى هضابك ..
آاااه يا مقسى غيابك ..
كل حنان الكون ينبع ..
من دفا يسكن ترابك ...
فرانكفورت / ألمانيا - أغسطس 2006 مــ
(2) المقطع الثاني
صوت: ((وطن ... وطن .. وطن))
و يعني ها الوطن وينه ؟!!!!
صوت: ((وطن ... وطن .. وطن))
نعم ضاعت عناااوينه !!!
وطن عيني..
وطن قلبي ..
وطن احساس خانقني ..
وطن روحي ..
وطن كـّلي ..
أنا أسجد لجل ترضى ..
وطن و الله ما هنتك ..
و طن و الله ما خنتك..
حشا و الله ما أقدر ..
أبيع تـْراب حارتـْـنا ..
وطن .. دونك أنا أفنا ..
حشا و الله ما أقدر ..
أروووح هـْناك و انت هـْنا ..
وطن أرجوووك ارحمني ..
وطن مقدر أروووح بـْعيد
و كلّلك ساكن ٍ نبضي..
وطن أرجوك سامحني
أحبـّك لو كرهت الناس ..
أحبك لو قسى دهري ..
أحبك لو قسوا أهلي ..
أحبك يا وطن عمري ..
تروح الناس وانا صنتك ..
و أشوف الحزن ... ياااااا صمتك .. !!!
قسم بالله لوْ انتـــه
جسد انسان .. ما سبتك ... !!
قسم بالله من ايدي ..
شهد و احساس شـّربتك..
تكساس / الولايات المتحدة الامريكية - أغسطس 2006 مــ
(3) المقطع الثالث
وطن .. نايم على صدري
وطن.. و الله ما ودّي
أرووح بـْعيد عن أرضك..
جسد هامد هنا لـْحالي
و لا فيني سوى اسمك..
أماني و الرجا يقسى ..
غياب وْ ضحكة ٍ خرسى..
هنا غابت تضاريسك
........................... ولا عاشت تضاريسي
هنا نامت أحاسيسك
.......................... وسِط زحمة أحاسيسي
وطن هيهات ما أقدر ..
أخون الطهر و استنكر ..
صحيت وْ ما لقيت إلا ..
وطن مغروس في فمـّي ..
وطن مشتاق يا عمـّي ..
وجع يصرخ: أبي أمي ........... "أريد أمي"
وطن يصرخ: أبي .. أمي ........."والدي..والدتي"
وطن هالشوق في صدري ..
زرع حمـّى
كأنها شوك في دمـّي.
تكساس / الولايات المتحدة الامريكية - أغسطس 2006 مــ
(4) المقطع الأخير
أنا راجع
أبي أحضن تفاصيلك ..
وطن .. راجع انا بْـشوقي ..
وطن .. صوتك سكن صوتي
أبي ألقاك ناطرني
تغني لي ..
و تضحك لي ..
و تاخذني بأحضانك ..
انا راجع و لا ودّي ..
أروح بـْعيد عن أرضك ..
أنا راجع و لا عندي ..
سوى أحباب في أرضك ..
أنا راااااااجع ...
أنا راااااااجع ...
|
|
|
| | |
