اعــرج بشوقــك ليــــــل الى بنات نعش
وتــــــردني بالصبـــــــح محمول نعشي
بنيت لـــك بالــــود جسر الــــــى عرش
وغديت انـــــا المحكوم من فوق عرشي
وانتـــــــــه بنيت من النوى والغلى عش
زينتــــــــه بحكيــــــك تسميـــــــه عشي
ما ينبنـــــي للطــــول لـــــي معدنه هش
يصبـــــح طعــــام الــريح ما كان هشي
ولي اولـــــه بالغش يبقـــى علـــى غش
مـــــا ينجنــــى ودٍ علـــى نهــــج غشي
ما حــــب خشمي الرأس لو افطر بقَش
عـــزيز نفس يخــــالط الــــــــــذل قشي
رجلـــي وأطـــــوعها الى ناصع الفرش
وأمـــــــد رجليـــه علـــى جـــــد فرشي
واللــــــي بقـــى ب القلب لا تأخذه نبش
الــــورد مــــا يحصـــــد بقطــع ونبشي
وإذا تبــي تعــــرف معلمتــــــي النهش
اللــــي أستبـــاح وحــل طعني ونهشي
دام التفاضــــل بيننا مـن فــــدى الكبش
انتــي وكـــل اللي علــــى خطاك كبشي
