أركب الصعب لقصيدة وأهتوي طرد السراب
وأنتجي عذب المعانــــي وأتحـــاشى المبهمه
أفرج الفرحة لسامــــع وأسجــن بقلبي العذاب
وان شفت ضي بقصيدي نابـــــــع من مظلمه
جات شاعر من مشاعرهم نجـــوى وإغتراب
ليــــل وسهـــــاد وتجافــــي والخــوافق مقلمة
يا كثر هــــرجٍ يسطــــر والمعانـــي كالهباب
لـو سمعتــــه مــا فهمته وصعب إنــــك تفهمه
زيدٍ يقلـــــد عمــــر وأخـــرٍ يعجن تـــــــراب
أختلـــــط شينــه بزينــه وان تعـــدى الانظمة
ذاك حـرفٍ يرتجي بـــك عالـيٍ فوق السحاب
وان غدربك مع زمانــــك داس ضلعك منسمه
لو عزيتــه منتخـالك خـط لك دونـــــه حجاب
ما تفكـــــه قاريــــــة ودع الحصـــــاة الملهَمَه
ليلك يطـارد نهارك وأنت هجـــواك إقتـــــراب
شايـــــلٍ قلبـــــك هديــــــة وأتحـــــرى مغنمه
لك معي جبر الخواطر ولك فتحـت القلب باب
ولك هديـــــة مــــن مشاعـــر بالمــودة مفعمه
ولك كـــــرم ضيفٍ قصيــدة سمها رد الجواب
ولا لــــي فــي كــل قصيـــدة وكـل بيتٍ ملهِمه
