(( زمــــــــان أول !! ))
زمان أول تحوّل ..
وزمان الحين ..
أصبح كل شي مخوّل ..
زمان أول ..
كانت أمي تحلب بقرها ..
وأختي معاها ..
تصحى بفجرها ..
وكان أبوي بحبه غمرنا وغمرها ..
وكان أخوي بسجوده يطوّل ..
زمان أول ..
ضحكنا .. ولعبنا
وبقلب صافي
تسامرنا وسهرنا ..
وعلى سيف البحر ..
مشينا وركضنا ..
وياما وياما ..
زعلنا وتخاصمنا ..
لكن عمر الزعل
بيننا ما طوّل
زمان أول ..
كنت أعرف أسم جاري ..
وكنت أشوفه ليل ونهاري ..
وكنت أحدثه بعلتي ..
وأعطيه أسراري ..
وأقلق عليه لو بغيبته طوّل ..
زمان أول ..
كان الصديق هو الأخ والشقيق ..
وكان بسفرتي هو عزتي ..
وهو المعنى للرفيق ..
هو شدتي ..
لا صار الزمن يضيق
ووقت الشدائد يفداك بالغالي ولا يسأل
مو مثل هاليوم ..
لا شافك من تسميه الصديق ..
شل شلوله عنك ..
وان كان يمشي صار يهروّل
زمان أول ..
يا أخواني ..
العمر فاني ..
هذا زمانك ..
وعزائي زماني ..
والحكي بيننا يطوّل ..
زمان أول ..
لا تضحكوا عليه ..
لأنكم منه وفيه ..
والزمان ما تغير ..
لكن أحنا تغيرنا عليه ..
وعمر الزمان ما تبدل ..
زمان أول ..
والحقيقة لو نقولها مرة ومرة ..
في القلب طعمها ..مُره ومُره
وما بعدها تنفع الحسرة
ما بقى غير أنا نقول ..
هذاك أول ..
زمان أول .. كان أول وتحول ..
وزمان الحين ..
كل شي فيه أصبح مخولّ !!
(( حرف ))
زمان أول .. وزمان أول تحول...!!
... من رجُل!!
www.asheqalsamra.net