 |
قسم صدى الوجدان
خلني مرتاح |
|---|
خلني مرتاح وحبالي طليــــــــــــــقة
في هوى لغزال مفنود الرشــــــــــــــــــاقة
الهوى له ذوق وعهوده عتيــــــــقة
مايعرفه غير لي جــــــــرّب مـــــــــــــذاقه
يارفيع المنزلة هذي الحقيـــــــــــقة
كم لي ف الـــــــــود مشـــــــدودٍ وثاقــــــه
أجمل اوقات العشيق ويا عشيـــــقه
واصعب اوقاتـــــــــه وداعـــــه او فراقـــه
الهوى جذّاب وبحوره عميقــــــــه
لي تغزّر فيــــــه يستعصي لحــــــــــــــاقه
ويل لي به تايه وضيّع طريـــــقه
لين لامـــــــــوه الجماعة والرفاقــــــــه
مادروبه اللوم منهم ما يطيقــــــــه
ولا بقت للعـــــذل يا العذال طاقـــــــــه
عن لطيف النفس ما اصبرلو دقيقه
دامه لدنيـــــــــــــاي سعد الحظ ساقه
لي لماه النحل يشــــــتاق لرحيقــه
وصوتــــــه الجذّاب لي يسمعه شاقه
بتبعه لو كانت دروبه غليــــــــقه
لي يضــــــم القلب له شوق وشــفاقه
جلسةٍ عنده تشافي كل ضيـــــقة
واشـــــعر بمعنى المحبة و الصـداقة
بيني وما بينه عهـــــــودٍ وثيقة
والهـــــنا والسعد مع طيب العــلاقة
ســــــليّم بن راشـــد الدرعــــــي
|
|
|
| | |
