 |
قسم صدى الوجدان
حبيبة خافقي |
|---|
حبيبة خافقي أحلى بعيني من بنات الجيل
وفي رأيي ترى محدن من العالم يماثلها
سخية مرحبانية وعذبة مثل نهر النيل
وأعذب م الفرات ودجلة ولاني مجاملها
وصايفها مثل وصف العنود بمشيها تمهـيل
وعودٍ كلما نسنس هوى الشرتا يمايلها
كساها الزين م المفرق يلا عند القدم بالحيل
لو تحاول تطاولها الغواني ما تطــاولها
شذاها كنه النرجس إذا يخلط بعطر الهيل
سناها من سنا برق المخايل يوم أخايلها
أنا شوقي لشوفتها مثل شوق الأرض للسيل
مثل شوق العطر لأوجانها ولجيدها ولها
أنا ســـــلمتها قلبي وأيدي وقعت تخـــــويل
وأنا في نادي العشق اعترافاتي بسـجلها
ترى خليته بكيفه خفوقي يوم راد يمــــــيل
وش المانع مادام أن الشرف يكسي جدايلها
كساها م الحشيمة ثوب ما يحتاج للتعــــديل
حشيم ووافي وضـــافي إله الخلـــــق كمّلها
غلاها من غلا روحي ولاشي عقب ذا تفصيل
أداريها كما تدرى العيون اللي تكحــــلها
أو أني مثل ما أدرى الطفل لي يعجبه التدليل
وأنا سعدي ومنى عيني تراني يوم أدللها
ألبّي لرمشها من قبل لا تنطـق وذا تســــهيل
ولا اسمح باي شيٍ عاد يتعبها ويمللها
|
|
|
| | |
