من الذاكرة ..
طرفا

( طـرفـا) حـداء الـسحر إيقاع صافي      ( طـرفـا) جـمال الـيوسفي تْجيب برّه

فــي بــوحــها يـكّه وتـريـاق شـافـي      صـــارت لأحـــلى ذوق عــينٍ وقــرّه

مـن سـلْهـمتـها صـحّت الـهام غـافي      تــفتــح لــي الــبحـر وْصـناديـق درّه

شـالـت خـفوقـي مـن ضلوع المنافي      مــن لــيلة الــهم لْ صــباح الـمسـرّه

يــشبـه شـعوري مـجدبـات الـفيـافـي      قــبل الـتقـيهـا .. ويـفرغ الـكاس مُرّه

بأمس الظما أخفض جناح إل..هيافي      بـيوم الـحيـا .. مـا لـلعـذر مـن تـشرّه

بــرمــوشــها لـلعـاطـفه حـس دافـي      درب الــمنــايــا عـاشـق الـدفء مَرّه

( طـرفـا) لـها تـنسـاق بـكر الـقوافي      إحـــساســـها بــرق وْخــيولٍ مــكرّه

الــصمــت أولى لْعـاذلٍ قـال : كـافـي      هو ما درا عن سحرها وين سِرّه ؟!!

لـعيـونـها أوطـا عـلى الـجمـر حـافي      وأقـــلّب الــجمــر بْيــديــني واذرّه ..

وارجــع ألــمّه مـن وريـد الـسوافـي      الــشوق جــمره فــي شـمالـي مـقرّه

يــا شـيخة الـغيـد الـمراكـب شـغافـي      وشْراعــها رْيــاح الــصبــابــه تـجرّه

حـطّي هـمومـك فـي مـناكـب ضفافي      قـــبل الـــضفــاف الــنهــر .. لله درّه

تـلقـين يـا ( طـرفـا) حـديـث السنافي      شــيخٍ جـليـل وْلـه مـن الـطهـر غـرّه

ضـجّوا صـحاب الأقـنعـه بـاعـترافـي      انــا الــوحــيد امــواجـه الـمسـتقّرّه..

أقــولــها يــا بــنت مــن قــلب وافـي      أقـــولـــها وآقـــولــها ألــف مــرّه ..