وش بـك تناديني وفي صوتك ضجر
مــا قــد خـبرت الـضيـق لـه عـندك مـزار
كـانـك تـلوميني على طول الهجر !؟
مــا أنــتي قــبل رحــتي وأنـا ذقـت الـمرار
مـن قبل ما تظهر ميه وإحدى عشر
بــقول لــك كــل مـا حـصل لـي بـاخـتصـار
أصلا أنــا مــالـي عـلى الـفرقى قـدر
أنــتي الــلي قــدّرتــي وحـددتـي الـمسـار
كنت أبني الطوبه على الطوبه جسر
وأنــتي بــنفــس الـطوب شـيدتـي الـجدار
غـبتـي وأنـا من يومها ما عدت أمر
إلا عــــلى ســــكة عــــيون الانــــكســــار
ولـمّا رجـعتـي لـي وقـلتـي لـي صبر
ضــيّعــت فــي صــبري حــدود الانـتظـار
قـصدك عـلى قـولـك تـشوفـين الأمر
هــل يــا تــرى بــاقـي لـك بـقلـبي عـمار!؟
مــثل اخـتبـارك لـي أنـا قـلت أخـتبـر
وضـعي مـعك وأعـرف مـكانـي وين صار
بـس الـحقـيقة بـالـمفـيد الـمختصر..
أثــــنيـــننـــا راســـب بـــهذا الاخـــتبـــار
سـالـب ومـوجـب دايـم ٍ يـطلع صفر
ولهالسبب ( إكمااااال ) صار أنسب خيار!
