مـا يـلومـك فـي فـراقـي غـير ظـل ْمرايتك
كــل مـا عـينـك تلاقـت مـع طـيوفـي عـبرهـا
لامــتك ثــم اســتكــانـت ثـم عـادت لامـتك
كــنّهــا تــقرا جــروح ٍ فــي وريـدي سـرّهـا
تـحسـبيـها بك تحس أو هي تقدّر نظرتك؟
أو عــلى حــد الــتزيّن تــآمــنيــنه شـرّهـا ؟
هـالـمرايـه الـلي أتّحـكم فـي طريقة وقفتك
فـي جـلوسـك والـتفـاتـك ..كـل شـي ٍ بأمرها!
لا تــشوف ولا تــحس ولا تــعبّر فــتنــتك
لا بــضحــكاتــك تــهلّي ..لا بــكائك ضــرّهــا
مـن بعد ما أنتي اشتريتي اشتَرتْك وباعتك
للهجـوس الـلي بـحرهـا فـاض وأغـرق برّها
يـا سـجيـنة هـالمرايه بعد ما هي ْسجينتك
لـو قـريـتي نـبض قـلبـي لأسـتخـرتي كسرها
يوم حتّى عين الأعمى في قصيدي شافتك
ويـن يـمكـن هـالـمرايـه يـنتـهي بك جهرها؟
شـامـتك لـو تـلمـسيـها تـجرحـيهـا شامتك
ويـش يـمكـن هـالـمرايـه تـخبرك عن سحرها
تـقدر الـلي قـلت فيها لك تقول ْ زجاجتك؟!
تــقدري بـلمـسة يـديـنك تـشعـليـنه فـجرهـا؟!
تـذكـريـني يـوم قـلت أن الـظلام ْبـوجـنتـك
شق نور ٍ فاق ضي الشمس وأخجل نورها؟
هـالـقصـيد الـلي ْبـيمـيني بس هذا ْمرايتك
جـربـي شـوفي عليها وأقري سحرك عبرها .
