يـا لـفاغـري مـابـي وريـد إلا عـلى جـالـك نضب
مــا بــين أعـجاز الـنخـيل وبـين جـدران الـبيـوت
مصلوب في وجهي سنين ولا نهض فيني سبب
يـأخـذ بـأيـدك لـلبـياض الـلي أنـكدر بـيد الـسكوت
سـاعـات يـجبـرني غلاك أوقف إذا ما الريح هب
اصـعب قـرار أنى أتـركـك وانـته بـشريـاني تفوت
وسـاعـات أدوّر لـلرواق ابعد زوايا00 وانسحب
لـوتـنذبـح مـا يـذبـحك غـير الـذي بـموتـك يموت
اسـتغـربـك تـبقى مـرار الـغث مـن سـاق القصب
يـعب مـن الـملـح الـثرى وتـقتـات سـكره الـنعوت
وامـر بـك مـثل الحرير اللي على الأرض انسكب
ثارت له الدنيا ضياء 00 وغربل أسرار البشوت
يـا لـفاغـري مـالـي على بعض الخطأ غير العتب
وانـته مـعي مـالـك سـوى طـعنـه بـها تحيا أموت
كـل الأيـادي الـلي ربـت تـأخـذ من أفضالك رطب
صـارت تـهد بـجدولـك وتـصب في صفوك زيوت
شـتّان بـين الـلي أوجـدك مـن بـين أنـياب الـتعب
ومــا بــين هـذا الـلي يـحطـك لـلتـعب ذل وقـنوت
يـا لـفاغـري هـذا الـوريـد اللي بقى ْبجالك يصب
شـاخـت نـخيـلك يـا فـلج وانـهدت أسوار وبيوت
