حـزن ما طال من جرحي سوى دم القصيد وسال

رضى لـجلـك نـزفـته لـين مـا امحل شراييني

ارق مـا بـلل ْجـفونـك غـدالـه فـي جـفونـي جـا ل 

شـربـته لـين ظـنّيـته بـحر طـوفـان يـرويـني

عـشانـك يـا غلا مـريـم تـركـت الـحزن بي يغتال

وجـوه الـحب وأحلامـه لـجل من ادنس يديني

عـشانـك يـا غلا مـريـم سـكنـت ْبـوحشة الأطلال

 بلاد الـهم والـضيـقة غـدت داري وعـناويني

عــشانــك يـا غلا مـريـم تـمنـيت الـفراق ْوصـال

 ولـكن للآسـف مـا كـان قـربـك لـي يـجديـني

في بالك ويش يكون اللي جبرني فيك لجل اختال

وأنتي من سكب عطري علي بابي وتركتيني

نـعم مـريـم أنـا راحـل .. أنـا مـا جـيت لك محتال

 لجل ما تطعني بصدقي وتذلّي الكبرياء فيني

آنــا آمــا أجــي كــلي، حـبيـب واب وعـم وخـال

 وأمـا جـعلـها ْسـنيـنك ابـد مـا تـلتـقي سـنيني

احـبك بـس يـوم انـك سـكنـتي الـبال ضـاق البال 

دخـيلـك لـيه قـولـي لي نثرتي الملح في عيني

أنـا شـاعـر مـن عـروقـي نبت زهر الغرام ْظلال

 خـطر لو طفت بخدودك خطا مرّة تجرحيني

أنـا شـاعـر ،اطرّز لك خيوط الشمس ثوب وشال 

تـباهـي بـين تـرفـات الـصبـايـا بي وشوفيني

أنـا شـاعـر،ولـي هـامة وصـبري مـثل صم ْجبال

 إذا تـاهـت بـك الـخطوة0 تعالي لي وسكنيني

جـهلـتيـني،وأنـا الـلي لـو عـرفـتيـني وتقولي قال 

تـفّز الأرض من حولك زهر نادي ورياحيني

تـرى مـا الـوم بـك نـفسي إذا حظي غدربي ومال

 وأنـا مـا ألـوم بـي نـفسـك إذا انـتي جـهلتيني

أنـا مـا أقـول غـير أن الصبر ربي خلق له ْرجال 

وأنـا لـو مـا صـبرت أش فايدة ابكي وتعزيني

تـرى جـرح الـكرامة بي، لمس دم الخفوق وسال

 نـزفـته حـبك ْبـدمـي عـسى تمحل شراييني!