يـضحـك الـنصر مرة وينكسر الف شاهد

وأنـت يـا وجـه حـزنـي تهتويك الهزيمة

غـربـلوا فـيك طـيبـك لـين بك صار جاحد

هـذا هـو حـد حـيلـك يـا ضعيف العزيمة

غـابة الـذنـب الأعـظم شـيدوهـا مـساجـد

هــل دمــع الــمآذن مـن زغـاريـد ريـمة

وهـند تـنثـر شـعرهـا لـيل مـليـون واحـد

الـعزا لـك يـا وافـي لـو غدت هند شيمة

الله يــعلــم بــجرح ٍبــالــحنـايـا أمـتواجـد

حــارق الـدم يـنزف مـثل هـملـول ديـمة

أرفض الجرح لكن من غدا الجرح ساعد

يـا هلا بـك جـروح ٍ فـيهـا لـلصدق قيمة

بـس أنـا مـن مـصابـي قـلت يا حي جاهد

خــلنــي فــي سـباتـي لـلحـلوم الـعقـيمة

دامة الـنصـر يـضحك لجل عين المشاهد

ويش نشوف وْنمجد غير عودة حليمة!