الأســـــــــــامـــــــي

يـا سـالـم خـاطري مشتاق ألاقي فيك هالعبره      وأظـل أذبـل وألاقـي الـعمر يذبل من جرح ثاني

يـا جـاسـم مالقيت إحساس صادق فيك بالمره      ولا حــتى عــبارة حــب تــغيــر طـابـع ألـوانـي

يــا بــاســم أبـتسـم أكـثر أبـيك تـكّسـر الـجره      وتـضحـك لـين مـا تـشبـع تـزود فـينـي أحزاني

هـوى مـحمـد أنـا ما أبيه أبيه يعيش في حره      يـناضـل لـين مـا يـتعـب ويـتعـب خـافقه الجاني

وأحـمد عـاش وتـمرد نـسى إنـي بـحر سـره      نـسى بـركـان مـا يـخمـد تـناسى وخـان أزماني

وفـيصـل خـانـته الـذكـرى ولاحـتى ذكـر مره      تلاقــينــا بـوجـه الـنار ومـاتـت أحـلى أوطـانـي

خـميـس الـشوق عـذبني تعبت أسامر القمره      تــعبــت أحــلم ولا ألـقى مـوانـي فـيهـا ربـانـي

يـا خـالـد إستحل الأرض وشعرك للمدى نثره      وســافــر لأبــعد الــدنــيا ودمـر حـتى أكـوانـي

يـا يـونـس مـاهـجيـت أنـك مـدينه تبني الذره      وتـسبـح فـي كلام الـناس تـخلـي القلب حيراني

يـا نـاصر ياسفينة نوح يا أقبح من لمس دره      يـاوجـه الـغيـم يـا قـاسـي يـا قـلب مـا أبـد لاني

بـدر أحلى قصيدة حب وأحلى من رمى غدره      وأحـلى مـن سـكن بـيتـي وأحـلى من هو بكاني

ذبل صوتي يجي أزهر يرتل في الفضا شعره      ينادي بأجمل إحساسه "حبيبة روحي" سماني

عـلي يـسكـن جـدار الـهم ويـبقى مـاددٍ جمره      يـغازلـني سـواد الـعيـن ويـنسى بـيت عـنوانـي

يـا مـاجـد خـانني صوتك وراح لآخر السهره      وهـدهـد راحـتي بـإسـكات وراح بـعيد وخلاني

فـراس الـشوق ما أنساه رماني بالغدر عمره      سـراب وكـل بـوحـه هـم مـديـنة حـزنـه العاني

نـبض سلطان خداع تساوى قطره (ب) بحره      تلاشــت طـيبـته وزالـت وكـذبـه مـا خـفى بـان

يـا سامر أرقص وغني "أبد ما بسكنه قبره"      أبــد مــا بــلبــس ثـيابـه ظـنون الـشك تـملانـي

يـا سـالـم ابـتعـد ارحـل أنـا مـا بـي أبـد نظره      أبــي بـركـان يـشعـلنـي أبـي طـيبة قـلب حـانـي

أنـا مـا أبـي إلا أنـفاسـي ونبضي بس هالمره      أبـيه أكـبر مـن الإحـساس حـبيبي نصفي الثاني

دريـتوا مـن سـكن بـوحي وأنا هالبنت مغتره      "يـا عـبدالله يـا عـبدالله"أنـادي بـأعـذب ألحاني