ودي بس .....

ودي أكـتب فـيك بـيت مـن قصيد      ودي أكــتب يـا حـكايـات الـغرام

أحلى بيت وأحلى حارة من جديد      نـترك الـرغبة ونبحر في الزحام

نـستـمر والـجرح فـينـا كـم يـزيد      نــنتــحر والآه فــينــا ألـف عـام

يـاجـنون الـشوق يـانبض الوريد      يـاعـطر غافي على شفافي ودام

ودي أرحـل فـي عـيونـك يا عنيد      يـاشـجر مكسور غصنه يا حرام

يـا خـفوق القلب يا حلمي الوحيد      كـم تـعبـت أسمع أنا نفس الملام

كـم رحـلت أدور الـبسـمه شـريـد      فـي طريق الخوف في عالم كلام

كــل كـلمة شـوق فـينـي مـاتـبيـد      تـشتـعل والـنار تـضويلي الظلام

وأنـت سـاكـت مانطق بيك الجليد      مــانــطق كــلمة أحـبك يـا سلام

يــاولــد يــكفــيك يـكفـينـي بـريـد      مـا أبـي هم ذي الرسايل والكلام

ودي بـس انك تضمني وما تحيد      عن غرامي عن خفوقي والهيام

ودي أرحــل بــس ودي مـاتـفيـد      كـلمة الـعشـاق فـي وقـت المنام

ضـمنـي ارحـم شـجونـي يـا بـليد      لافــــتٍ عـــني أنـــاديـــلك علام

كــيف يــهنـالـك تـرا يـومٍ سـعيـد      مـن عقب عيني ومن بعد الختام