ما قلت لك ؟

مــا قــلت لـك ان الـفراق رمـاح      شـف هـالـصدر وحـكاية ثْقـوبه

وش للهدد لـو ينكسر بي جناح      جـفن ٍ شـقي ويـشقّق فْ ثـوبـه

مـن قـال أنـا ضـايع / أنا مرتاح      بـعض الـحزن أهون من اكذوبه

جـرح انقسم فيني وصار جْراح      حـلق ٍ يـبس وضـلوع مـحطوبة

هو شافني يوم العروق صْحاح      مــا شــافـني والـروح مـنكـوبة

لـو بـالـهوى كـل ٍ يـجي مـرتاح      مــاكــان بــه مــلح ٍ تــغنــو بـه

يـاصـاحـبي لـيتـه مـوات أرواح      لــو لــلوفــي مـما وفـا عْقـوبـه

بـعض الحكي جد وبعضْه مزاح      والـــناس ذي كــل ٍ وإســلوبــه

والــلي دفــع آدم عــلى الـتفـاح      ســاق الـحشـا لـمعـانـق ذنـوبـه

ولا ّ أنــا وش لــي بـهالـمرواح      لـجل انـي احط دوبي على دوبه

يــاصــاحــبي دام الـهوى لـقّاح      وقـــلوبــنا نــحل ٍ مــحا الــتوبة

لا تـقول لـي مـابـالـفراق رمـاح      هاك الصدر وانت احصي ثقوبه