 |
قسم متنوع شعبي
الورد |
|---|
الورد
الوردْ
لا .. يا وردْ
بالوجه ما ينردْ
وانتي قويتي للأسفْ
ردّيتي وردي بلا أسفْ
إذنك أبدْ
ما سمعت الورده وهي
تشره على كفي وتقولْ
عينك بعدْ
ما شافت أوراق الفرحْ
يلعب بها فصل الذبولْ
يا أنتي قلبك ما سئلْ
لا ما سئلْ
عن حالة الورده اذا
ذابت خجلْ .. !!
وش بيها يعني يا غلا
لو قلتِ لا
من قبل ما اغرق ف الظنونْ
هذا الجرح .. كيف اقبله
واستحمله
واقدر أسامح هالعيونْ
يا مرّها الحظه
لو عاندت لحظه
ويا قلبي المسكونْ
خوف .. وحذر مجنونْ
هالمرّه بكذب .. وابتسمْ
كالعاده .. كن ما به ألمْ
وكن الورد ..لا ما ذبلْ
إلا لخوفه من البردْ
وارجوكِ
لو جيتك أنا
أستسمحك إني بكيتْ
واستحلفكْ
واقول لكْ
هذ الورد يستاهلكْ
لا تصدقي ..
عمر الوردْ
ما ينسى جرحه ويعذركْ
حتّى ولو قلبي نسى
أو لامني بعلّ وعسى
يا أنتي قلبك ما سئلْ
لا ما سئلْ
عن حالة الورده اذا
ذابت خجلْ .. !!
|
|
|
| | |
