حكاية مالحة

تــعبــت افــتش فــي جُيــوب الــحزْن عــنّي      تـعبـت اسـافـر في غيابي .. وْ ما التقيني

تــعبــت اراقــب هــالـنّهـار : يْطـول حـزْنـي      تــعبــت اربّي الــحلــمْ و تـخونـه يـديـني

كـــل الـــحَكـــايــا الــمالِحة فــي بــال ظــنّي      تـمرّنـي و افـتح لـها : )جـرحي / أنيني(

كـــل الـــوعـــود الـــحالــمة تــقتــات مــنّي      واضـحك لـها ، ياعلها تصدق .. واجيني

يــا طــولـها دْروب الأسى يـا سُخْف : (أنّي)      يــا بــردهــا دربٍ و أنــا دَوّرنــي فــينـي

وحْدي ادق ابــــواب فـــقري وحْدي اغـــنّي      وحْدي أصـبّ الـشمـس فـينـي واحْتويني

وحْدي أخـبّي (الـماضِيَ) الـلي مـا (رحـمني)      وحْدي أشـيلـك ي (الـتراث) .. وانـطفيني

مــا شــرّد الــما / نــار صــبْري و افــتتــني      مـا عـابـث الـبرد / الـدّفـا و ارتـاع طـيني

لــو داخــل الــشك / الــيقـين إحـتار (سِنّي)*      ما صحْت في بعضي:مَدد، ياربّ:ويني؟!

يـا(نُون) عِلْمـي لـو عَثـر بي ضَعف (سِني)*      و أمـسى وجـودي عـن وجودك مكتفيني

يَ انْته / هُوَهْ : يا ذاتْ / ذاتي / كُنّ / كُنِّي *      يــا كــلّ كـلي / كُفْريَ / الـحادي / يـقيـني

كـلي حُضـور ٍ / إمـتزاج ٍ بكْ .. و.. كِنِّي : *      كــلّي غــياب ٍ .. ضــيّعــتنــي راحــتيــني

يـــا أصــغر ذنــوب الــتشــرد و الــتمــنّي :      ( طـفولـتي / يـا ذكـريـاتـي / يـا حَنـيني )

لـوْ (نَخْل) حـلمـي ، طـال ظِلّه : طـالْ وهْنِي      و لـوْ ( أخْرفـه ) آمـال تتساقط سنيني !!