هجوسٍ (ف) الغلاء زادت وخلت حالتي حاله
وهدت بالغلاء حيلي طوال الليل أجاسيها
دموعٍ تحرق أخدودي ونار الشوق شعاله
عجزت أخمد حرايقها وعجزت إني أطفيها
وكلفني هجوس الشعر أسجلها باللمقاله
وانا حتى بتعبيري عجزت أكتب معانيها
انا لوشدني دافع كتبت الشوق برساله
علامك يا هواجيسي على نفسي تمنيها ؟
وتسري بي دجى ليلٍ بفكر زاد غرباله
اماني حلم في دنياي تعودنا لياليها
أنا رابط حبل قدري وزايد طيلة إحباله
مراكب ود تسري بي وانا ما اعرف مراسيها
أحبه واعشقه واهواه ولو يبغى العمر فاله
مقابل بس لو يكرم على نفسي يسليها
هجوسٍ ف الغلاء زادت وفيها حالتي حاله
وهدت بالغلاء حيلي طوال الليل أجاسيها
|
