 |
قسم شعبي متنوع
صــارحني بسكـــون |
|---|
يا بحور الشوق زادت بي الشجون
هاج فيض الحب في روحي وشقاها
بكتم الإحساس ما طيق الجنون
تنزف جروح الحب شاقني دواها
أشتكي للطب يا اللي يوصفون
والجروح اتزيد في غاية قساها
والغلاء يا شوق من سود العيون
والعيون السود قاتلني غضاها
هو ملك روحي وسلب كل الضنون
ذل عز النفس ونزل مستواها
ما غمرني بالمحبه والحنون
ولا روى روحي من الود وسقاها
ليتني عايش على ذيك الوجون
أخضن العبرات من غالي سماها
راحتي والشوق في ذيك الحضون
والشجون اتصيح وتعانق ضناها
يا فريد اللون صارحني بسكون
المحبة موت وقاتلني ضماها
|
|
|
| | |
