يا هميل الدمع في صافي الخدود
توهت عقلي في متاهاتٍ رعيبة
أول تواعدني وخالفت الوعود
ودموعي هماله على أوجاني سكيبه
وعودت لي من عقب راحات وسعود
تطلب من الخالق فوادي لك يجيبه
صرت أصارع موج طوفان الرعود
ضاقت بي الأحزان وحلت بي مصيبة
في زمان الود كم جيتك سجود
خاضع ذليلي من عواطيفٍ رغيبه
واليوم عايف قلبي وناحل العود
حالي درك للموت لا منهوا يثشيبه
من زود تعذبني ومن كثر الوجود
أفضل منام الموت من عيشه تعيبه
وأحسن ظلام القبر في جوف اللحود
ويكون راضي خالق الكون ورقيبه
عن حالتي يا اللي لياليها نكود
أفضل يعيش الإنس في نارٍ لهيبه
أبكي وفرشي عاد لدموعي سدود
مثل المطر ياللي روى أرضٍ خصيبه
أحس جوفي يشتعل نار بوقود
لين ذكرت الخل مع خله وحبيبه
ومع باقي الأيام حزني بلا حدود
كان الحزن له حدود وأوقات وحسيبه
طبع الزمن يا شوق يتزايد بزود
سهمه جرحني جرح عايابي طبيبه
حكم الزمن ظلام حاربني ابنود
مقوى على دستوره وشروطه عجيبة
من لذة المحبوب قيدني ابمسود
واعلن حذاري الموت لاتقرب قريبة
|
