شكيت الحال ربي عظيم الملك والشاني
على خلٍ حرق خله بلهيب ونار شعاله
وعلى خلٍ ترك خله يبات الليل سهراني
على نار الغضى صابر يقلب نشوة احوله
بضحكاته وبسماته أمام الناس فرحاني
ويكتم في خفاه بركان يهز الكون زلزاله
انا بشكي الى ربي بقوافي الشعر واوزاني
على ريم سلب عقلي خجول ومبعده اوصاله
على كثر الهجر والبعد حمدت الله ما ينساني
ويعاملني على كيفه وكني اصغر اعياله
وانا اللي ف الملا ملهوف بإحساسي واشجاني
وانا اللي من ربط قدره على قيده واماله
رغم شوقي وغلاء حبة دعيت الصبر عنواني
متى بنتمم الفرحة ؟ متى بنزف عياله ؟
متىى ليلة لقاء سعدي متى با حطم أحزاني
متى يا يضربوا كفٍ على كف لوم عذاله ؟
دعيتك خالق الكوني تحقق ليلة أعياني
وتفرج من ضجر صدري عذاب الشوق واهواله
