قـسى كـف الـزمـان الـلي عـلى الـراحة مـعوّدني

وخـانـتنـي حـظوظـي اللي يا ما صافحت كفي

هــنا كــنت الأمــير الــلي عـلى بـابـه سـجد ظـنه

وهنا كنت الفقير اللي صبح بي الهم مستوفي

زوايــا هـالـقلـب ضـاقـت وذيـب الـهم بـه يـعوي

بـعد مـا كـنت والـفرحة يـعانـق طـرفها طرفي

سـكاكـين الـغدر أصـحاب قـامـوا يـحفـروا قـبري

وفـيت لـهم ولـكن فـي زمـاني من بقى يوفي!

(عـقارب لـيف) يـاربـعي , مـعودّهـم عـلى السكر

عـطونـي مـن عسلهم لين بان السم به مخفي

صِحابي(هه) وكيف اصحاب تخدعني بعد عِشْره

وكـيف الـرايـه الـبيـضا تـجي تـتلـون بـعرفـي

وكـيف اصـحاب سـكنـاهـم يـميـن الـعين واليسرا

تـرد الـيوم تـغدر بـي , بـعد ما كانت ف حِلفي

شــلتــهم فــوق أكــتافــي أبــدّيـهم عـلى نـفسـي

لـحد مـا شارفت ألقى بسبّة ( هالكتف ) حتفي

حـسبـت انـي بـهم ربـحان ، (ربـعي والـنعم فيهم

أمـامي ( أخوة الصدّيق ) بس ذياب من خلفي

(نـمل مـا هـم بشر) يسعى على السكر ويتمخطر

ولـما سـكري خـلّص طـحت مـن عينهم منفي

أنـا عـقلـي نـصحـني ، بـس قـلبي ما رضا يسمع

رغـم إنـي شـفت بـالـعيـن لـكن قال (ما يكفي)

ي قـلبـي ، آآآخ يـا قـلبـي - كـأنـك قـلبـهم فـينـي

تـحن لـهم وتـسمحهم وطبعك ي الوفي توفي

شــبعــنا يــا قــلب بــسك مــن الأعـذار تـعذرهـم

أنـا قـررت أتـغيّر ، وأرمـي الـطيـبه من خلفي

تـبي تـستـنكـر اسـتنـكر تـبي تـستهجن استهجن

أنـا أعـلنـتهـا ثـوره ، وابـيك تـكون في صفي

كــفانــي طــيب يــا قــلبــي أمــانــه لا تــعاتـبنـي

أنـا ما حصلت منها سوى بصمه على وصفي

ي قــلبــي لا تــلوّمــني عـلى أصـحاب خـانـونـي

ولا تـحمـل ي قلبي هَمْ ، عليهم لو قسى كفي

أنــا يــكفــي أقــول انــي تـعلـمت الـدَّرس مـنهـم

واسـجّل مـوقـفي ثـابت وصوتي يعلنه حرفي

إذا خــمســه وأخــسرهـم فـمانـي خـاسـر الـدنـيا

كـفاني من صحابي بس .. واحد وافي بعرفي