عرش بلقيس
وبعتيني !؟
وبعتيني لأني ما ملكت المال ف يديني
ولا أقدر أعيـْشـِك كالبرنسيسه وانا السلطان
وبعتيني !؟
لأن الحظ خانابي ولا أملك ملك كسرى
عرش بلقيس مو بيدي ولا كنت النبي سليمان
وبعتيني !؟
لأني ما أحب أكذب ولا مثـّـلـت لك حبي
لأني بصدق حبيتك وآخر صرت انا الخسران
وبعتيني !؟
لأني من عرفتك لين آخر يوم يجمعنا
وانا أتنفسك عشقي ( ألا يلعن أبو النسيان )
وبعتيني !؟
لأني شايل ٍ حبك وسط قلبي وأتحمّل
عنادك هو غرورك لهفتي والصد والحرمان
وبعتيني !؟
لأني جيت باحساسي واشواقي وإخلاصي
ولا جيتك بزيف الحلم .. جيت بعادة البدوان
وبعتيني !؟
لأني بعت هالعالم لجل عينك ولا همني
أداعب لهفة انفاسك وإحساسك أنا الهيمان
وبعتيني 1؟
لأنك كنت أشواقي وكنتي حلمي الوردي
وكنتي في الهوى سجني وإنتي وحدك السجان
وبعتيني !؟
لأني أعشق وجودك ويكويني غيابك كي
ولنّ العمر من أجلك نذرته معركة أفغان
وبعتيني !؟
لأنه داخلي لك شي حملته طفل في حضني
ولو يكبر ابد ما شاخ مهما مرّت الأزمان
وبعتيني !؟
لأنك دفء أعصابي وإحساسي وأفكاري
لأنك تسكني الوجدان زهرة روضي الفتان
وبعتيني !؟
لأني كنت احلم بك تكوني لي وطن حبي
واكون العاصمه وحدي واكون لمركبك ربان
تصدقيني
أنا مـَ قدر أعيش الزيف واخدع نفسي بنفسي
ولا أقدر أحبك ثمْ أكون لعالمك خوّان
وصدقيني
أنا لا من حلمت احلم على قدي وذا طبعي
ولا أرضى أبيع النفس لو ميّت ولك عطشان
وصدقيني
إذا سويت لي ريشه فما حلّـقــْت متباهي
تراه الطير لا من زاغ سهل تصيده الغربان
وصدقيني
أنا مثلك بشر واعرف طباعي واعرفه قدري
أفضّل عيشتي مكروم عن عيشه ملك منهان
وبعتيني !؟
وبعتيني لأني ما ملكت المال ف يديني
ولا أقدر أعيـْشـِك كالبرنسيسه وانا السلطان
|
