حبيبتي

ح- حلــــو المباسم يا بعـــد كـل من لــه
ب- بيحت لك مـــــن خافق عنــك سايل

ي- ياللي طلب باســـم الهوى عذب شله
ب- بنيتها لك صــــدر عجـــــــز المثايل

ت- ترى علـــى لقيــــاك قلبـــي تولــــه
ي- ياللي بحروف اسمه بديت الرسايــل

د- درب الهوى عسر المسالك تصلـــــه
ا- الكثــــــــر منـــي يحسبــــه بالقلايــل

ي- يــــوم أصولـه يحسب علي المذلـــه
م- ما يــدري ان الوصــل قالــت وقايــل

ع- عليك جفنـــي احمـــر الدمــع هلـــــه
ل- لو ما حصل قربك تضيـــع الدلايــــل

ي- يا من سكن باقصى الحشـى واستحله
ك- كلــــي لــك انت ومـــا بقـــى للعذايل

ا- الصاحـــــب اللـــــي لا نطــق ما تمله
ت- تطـــرق شفاتـــه بالمعانـــــي خمايل

و- وجدي لحــــال أعـــــذر العشق سلــه
ل- ليـن إشتكت مخطـــاي جفــر المسايل

هـ- هو مـــا درى بالبعــــد للقـــلب علــه
ي- يا مـن غرسلــي من التغلــي فسايل

ا- أمنتك بحبـــــــــل الوصــــل لا تفلـــــه
م- مــــا جادبــه وقتــــك كـــريم الجزايل

ن- ناح القلــب لقيــــــاك ساعــــة حصله
ي- يا كيـــــــف من فرقـــاك يفعل فعايل
 
ة - تليتنــــي يـــــوم قلت للبعـــد لله
ا- الوصل مني وان غدى البعد حايل

ل- لو ينفرش دربي من الشوك زلـه
ل- لسرجتلــك حــــافي اقدامي ذلايل

ي- يا مـــن خيالـه وسط عيني محله
م- من حيث ما لـد النظــر بيك شايل

ا- الصبـــر يطوي البعد طي السجله
ر- روضت لجلــك عاسفات الوسايل

ض- ضنكى حياة اللـي بكى فقد خله
ي- يخايله من اللهـم نجــم الجوايــل

ب- بدر ظهر من وسط سحب مطله
ا- الله مـــن طرفـــه عمل بـي عمايل

ل- لاقــي صويب العشق دوم ايتدله
ب- بطاينـه من الشـــوق نـار وفتايل

د- دنا قـــريب حمــاي بــــدر الاهله
ا- أفطرت صومي يا جزيل الخصايل

ي- يا وقت لــــو بعـــــدت خلي مذله
ل- لي بيننا عــــدل وان الـوقت مايل

( حــــبيبتي دايــــم عليــك اتــــــولـه
يـــا منية اللـــي مـا رضى بالبدايـل)