جــات الــثلاثـاء وفـات الـموعـد الاوْل

يالله عـسى يـوم حـظي صـفحة الـجمـعه

وانـا عـلى حـر جـمر وصـاحـبي طوْل

يــا نــاصـحي بـالـنشـر نـاديـتك الـفزعـه

لـي يـوم تـاسـع وفـكري يجيب وياوْل

ارضيت درب الفضول وما ضوى شمعه

كــانــك تـبى قـربـهم يـا قـول او قـوْل

امـدح خـويـك بـوجـه وبـالـجفى خـدعـه

خــذ مــن فـتات الـكلام ولـملـم وهـوْل

دامــك عـلى راسـها خـل يـومـها تـسعـه

يــاغــافــل مــا لــها الا الـواحـد الاول

الـــغافــر الــمقــتدر لا جــفت الــجرعــه

لــو يــنشــرى يـومـها قـارونـها نـوْل

ومـن يـأمـن لـمكـرهـا مـستبطي الصفعه

خاوي من الناس عون لو الزمن غوْل

مـا هـو مـن فارقك جايع وصاحبك شبعه

واترك خوي المصلحة لن طابت يموْل

وان جــانــبت لــلشــقاء مـيرادهـا بـقعـه

اصـبر عـلى جـالـها دام الـزمـن خـوْل

قــناصــها ربــدهــا واحــرارهــا تــبعــه

اخـفيـت بـين الـسطـور الـغايـب الموْل

طــرحــت حــلٍ صــوابـه نـاتـج الـجمـعه

امـلك مـن الـقاف مـا يـغنـينـي اتـسوْل

دام الـــمواصـــل يـــبالــه شــله وربــعه

مــا زال حــبر الـقصـيد بـدمـي يـجوْل

مـا وطـي الـراس لـو مـن كـان ما سمعه