جيت اشتكي

إيه اشتكي !!!

ما دامك انتي لي الحكي

بعلم الصمت الكلام

وبطير اسراب السلام

وبفضح مواعيد الغرام

ومن بعدها ما بستحي

بقول.. تيمتك غصب

بقول.. وأصلتك درب

واللي حصل بعد الحكي!!!

اني تعمدتك .. فراق

يا فانية عفتك.. مطاق

دنيا مغانمها بكي!!!

وجيت اشتكي.. أيه اشتكي

جيت اشتكي..

وانا اللي حبيتك فضول

ورضيت بانصاف الحلول

كني حلمت البارحة

احث خطوات المسير

والدرب مفروشة حرير

فزيت من نومي ملك

ولقيتني منك الك

اثره بعادي يواصلك

والعمر مطراش المصير

وجيت اشتكي.. أيه اشتكي

يا ذارفه دمـــع القهر

يا ضحكة انياب الغدر

انتي لنا ضيف .. وقبر

زينتي العتمه.. وانا احسبه نورك

اظهرتي البسمة.. من تحت بلورك

يا واعدة انك بكر

مكثر معاريسك.. همه محابيسك

هزيمتي؟ اني تجرعتك صبر

وهزيمتك؟ اني تمردتك شعر

من يشبهك .. سلمى

من يشربك .. يضما

ومن يعشقك يطرد سراب

يا جالبة حظ الغراب

عفتك بكي.. وجيت اشتكي!!!