تعودني
تعودني على صوتك صباح الخير وادمنته
حــرامٍ تــقطــع الــعادة انـا مـستـاهـله مـنك
يـا مـحلى نبرته صوتٍ نعاسٍ خالطه وزنته
بــأســلوبٍ يـجاذبـه الـدلـع ويـواصـله عـنك
حلا عـذب الـشفاه اللي يصبحني بكيف انته
يـهيم مهجتي صوتك وانسى اقول كيف إنك
صـباحك خير يا همسٍ يمر السمع واسكنته
مـعالـيق عـلى شـوفـك تـحن وتـشتهي خنك
صـباحـك فـوع يـا طـيفٍ بـعطـر الليل كفنته
ولـك رف الـخفـوق شـراع ترفق بيه راجنك
صـباح الـورد يا ودٍ بشوق الوصل حصنته
مـكانـك داخـل الـمقـلة وجـفن الـعيـن راعنك
صـباح الكحل يا طرفٍ اذا سلهم تعيش انته
بقوس ما خطى سهمه رموش العين ارمنك
صـباح الـشوق يـا ورد عـلى خـديك وجنته
وانـا يـا ورد بـستـانـي ونادي العرق ساقنك
صـباحـك بـلسـمي بوحي ترانيمي انا وانته
صـباحـك دنـيتـي حلمي وجودي لا بدا سنك
صـباحـك بالرضى عشقٍ بلا استئذان مكنته
وارحـب والـدفى صـوتـك يـتيـمني وراضنك
حـبيـبي يـا الـغلا بـعدك اذا مـا حـدني خنته
ولــكن دفــتر بـعادك شـكى والـبيـن قـارنـك
تـعودنـي ولـك مـدة سـفيـر الوصل ما بنته
دخـيلـك واصـل الـعادة وكـفكـف دمـعٍ يحنك
