مــاكــل كــلمة تــنكــتب صــارت شـعر
عــمر الــشعــر مــاكــان وزن وقـافـية

ومــاكــل كــلمة فــي الــقصـائد تـنذكـر
نـبض الـقوافـي يـبغي ناس(ن) واعية

ومــاكــل مــن يـبدأ بـبيـت(ن) يـستـمر
يــمكــن يــجف الــحبـر لـحظة وثـانـية

ومــاكــل مـن يـوصـف حـبيـبه بـالـبدر
يـــقدر يــعبِّر عــن عــلومــه الــسارية

الــشعــر إحــساس(ن) يــغذيـه الـفكـر
فــي نــظرتــه كــل الأمــانـي الـسامـية

يــأســر بــحرفــه كـل مـن شـافـه أسـر
وتــصمــد حـروفـه والـمعـانـي عـالـية

شــي م الــشعـر مـاتـستـيغـه لـو يـسر
وشي م الشعر يروي القلوب الضامية

وشـي م الـشعر ما يشترونه بأي سعر
وشـي م الـشعـر صـارت حروفه غالية

واحــد يــسطــر فــي كلامــه كـم سـطر
ويـــقول إبـــداع(ن) وصـــورة زاهــية

لا وزن يــضبــط كـل بـيت(ن) مـنكـسر
مـــــرة بـــــنونــــية ومــــرة بــــرائية

لـيمـن وصـف نـفسـه بـشاعـر مشتهر
مـــن مـــر لازم تـــلتـــقيـــه الــتاهــية

يــوصـف كلامـه مـثل جـلسـات الـذكـر
مــافــي كــتابــه حــتى كــلمة خــاطـية

لـــو حـــد يـــنتـــقده يــعانــد أو يــصر
انــــه كلامـــه شـــهد فـــيه الـــعافـــية

ويــن الــتواضــع بـسِّنـا وش هـالـكبـر
إحــنا بــشر نــخطــأ ونــرجــع ثــانـية

حــنا بــنوصــل لـو بـديـنا مـن الـصفـر
مــن بــعد نــمشـي لـلخـطاوي الـتالـية

وبــنعــترف بــاخــطائنــا لــو بــالـكثـر
مـــاهـــمنــا نــقد(ن) وكــلمة جــافــية