ويـنك عـلى طـول الـنوى ولـيل فرقاك

أسـمع صـدى قـلب هـمومه تناديك

تــعال أسـولـف لـك عـن هـموم دنـياك

عـن آخـر أخـبار الـهوى مع لياليك

عــن لــيلة شـمس الـولة نـامـت هـناك

مـا لامـست بـانـامـل الـضي خافيك

عـــن لــيلة مــريــتهــا ســبعــه أفلاك

يـالـين ضـاقـت وارهقتني المساليك

وش هو بعد باقي سوى طول مسراك

يـاجـارحـي اتـعبـت ليل الهوى فيك

يــا مــا انــتشى فـكري بـليـلك وغـناك

ويـا مـا دلال الـحب فـاحـت بطاريك

ويـا مـا عـلى جـدار الـوفا جبت ذكراك

يـا لـين قـام الـجرح يـبكي .. يغنيك

ســريــت بــأوهـامـك وتـهت بـمزايـاك

الـلي تـحبـب فـيك لـو قـلت أخـليـك

لـو جـاك بـعض الـلي على القلب غلاك

كان أبحرت سفن الوله من موانيك

كــان اســتقــرت فــي خــفوق تــفداك

خـفوق (نـاصـر) لـي يحبك ويغليك

دامــه تــمنــهج والــسوايــا سـوايـاك

لا تـخذلـه .. واشـواق قـلبه تناديك

وقـرّب بـسولـف لـك عـن هموم دنياك

وعـن آخـر أخـبار الـشقا مع لياليك