يــتيــمه عــاشــت ومـاتـت يـتيـمه
فـــقيـــرة حــظ مــلهــا أي قــيمــه
تــولاهــا عــديــم الـرأي وأضـحت
أســيرة فــي يــديــنه كــالــغنــيمـه
بــعد مــا كــانــت نـجوم وكـواكـب
غـدت طـينـه على الأرض الوخيمه
تـــنادي لـــلخــليــل الــلي تــرجــل
وجـاوبـها صـدى مـن هـو خصيمه
دمــيم الــروح مــجهــول الـهويـه
ثــقيــل الــطبــع والــهيـبه عـديـمه
تـرى كـيف الـرضـا يـحصـل ولـكن
جـبرهـا ، ولا عرف معنى الجريمه
يـحسـب أن الامـر تـحصـيل حاصل
زغــاريــد الـنسـاء وأكـل الـولـيمـه
مـــن يـــعيــبه إذا هــذا حــصيــله
ومــن يــهمــه اذا زكى نــديــمه ؟
نـعيـب الـلي جـعل فـي يـديـه واحه
نــعيــيه للأســف يــا هــي ظــليـمه
مـــادامـــه يـــعرف الــبيــدار إنــه
يـخلـط الـورد فـي صـنف الـقضيمه
درى أومــا درى مــذنــب ومـذنـب
عــلى الـغارب تـرك حـبل الـبهـيمـه
يـا لـيت الـحرف يـعرب فعل ماضي
ويـــجبـــر واقـــع كــسور ألــيمــه
مـــصيـــبة يــا ملا والله مــصيــبة
يــموت الــنور والــظلــمة مــديـمه
عــزانــا الــحق يــبقى فـي مـكانـه
وراعــي الــباطــل يــنال الــهزيـمه
ناصر الغيلاني
مجاراه لقصيدة ( رثاء اليتيمة)
رمــــــــــــــاح النـــــــــــــــــور
وهــذا الــليــل اتــرقــب خــصيـمه
مــن أول مــا طــوانـا فـي سـديـمه
انــادي لى مــتى ؟! هــالــيل طـول
رمــاح الــنور يــكسـرهـا بـعتـيمـه
خــفافــيشـه تـبي عـرش الـجوارح
ومـاضـيهـا يـخظـبهـا "الـونـيمه"
انــادي لى مــتى ؟! هــالــيل خــيم
ويـعصـرنـي الأسى بـكفوف ضيمه
يـديـني بـعثـرت "عهن" المسامع
دركـت الـعيـب .. واسـباب الهزيمة
حــبســت انــفاســها يــامـا ويـامـا
يــليــن الــحرف ..اعـفاهـا زعـيمـه
يـتيـمه دام هـودجـها "بـأخـطل "
وقـبلـه ..بـازل.. مـا لـه ..وسيمه..
يـسوم "الـحرة" بـسوق الجواري
يجيها "الموسم" بأكبر "غذيمه"
عـن "الـصهـميم" يحجبها حسافه
عـــطاهـــا لـــلذي يـــشبــه اديــمه
يتيمه وفي يدين احلاف "هوجو"
تــنادي احــفاد "إيــاد وخــزيـمه"
شـكت مـن واقـع مـزري ومـجحف
شـكت مـن واقـع اوصـافـه ذمـيمه
ومـن يـرضى بـواقـع غـير مُجـدي
يــذل اجــزال .. ويــعز الـوصـيمـه
يــهمــل فــرض لــعيــون الـنوافـل
يــأود هــالــخريــده الــمســتقـيمـه
تــشب الــوجــد وتــهز الـمشـاعـر
يــتيــمه .. مــن حـكايـتهـا الألـيمـه
سـردهـا لـلضـميـر الحي "ناصر"
تــبلــل ثــوبــه بــدمــع الــيتــيمــه
يــذكـرنـي .. وأنـا مـا كـنت نـاسـي
جــزيـت الـخيـر يـا شـاعـر تـميـمه
بــــــــــدر الشحيمـــــــــــــي
