حبك الزايف معايه صار لعبة
والمحبة كورةٍ وبها لعبتي
والخيانة ملعبك والغل عشبه
والمهاجم والمدافع فيه إنتي
ماتحقق جول في مرمى المحبة
ماتهزت من شباكه حتى سنتي
كلما أعبر حواجِزْه ومطبه
صار خطوي في مساراته بلنتي
كل هجمة في دفاعك مني صعبة
مابلعبك بالمشاعر فيني لِنتي
مالي جمهور مآزر أو أحبة
كلهم عذال وانتي فيني خنتي
كلما عارضت ظلمك والمغبة
حمرة الدم المقاتم منك كرتي
قلبي من بد القلوب يعاف حبه
وانتي حالي في الهزيمة مارحمتي
كيف أكمل في التحدي دون رغبة
وانتي في اللعب المساوي مارغبتي
ضاع من ظلمك شبابي دون رتبة
وانا في التقدير شايب وانتي بنتي
مثلي في الدنيا يناجي عفو ربه
بعدما في ذي المذلة كان كبتي
مايطاوع في المهاوي أمر قلبه
كيف يأمر قلبي وانا أشكي صمتي
مانفع عراف فيني لا أطبة
ماحصدت بهالتواصل حلو نبتي
واللي يمشي للغواني وماتنبه
للموادع والمجافى صار يفتي
واللي دمه خارج الشريان صبه
لابقى له صيف أو بالحب يشتي
قلبه المغرم بِِحَرِّ النار شبه
والسفينة عكسها التيار يأتي
