يـا حـابـس الاشـواق بـين الـكراريس
لـو قـلت لـي اعـطيـك هـالـقلب كراس
مــرات تـصبـح هـالـحنـايـا قـراطـيس
أرقّ مـالـقصـديـر وأرهـف من اللآس
لــني عــباره عــن مـديـنة احـاسـيس
ولـنّك مـميّز فـي عـيونـي عـن الناس
تــعال واســكنّي بلا عــرش بــلقـيس
اترك سبأ واقطف من رياض الابكاس
مــا بــين جـناتٍ بـها الـقايـني يْمـيس
عـرشٍ مـرصـع بـالـزمـرد والالـماس
عـلّ وعـسى يـرتـاح بـعد الشقا قيس
وتـنال لـيلى مـن نـخب هـالسعد كاس
كـنّك مـها والـشوق جـدة حـراسـيس
كـنّي اخـتنـاق وشـوفـتك ردّ الانـفاس
ما تشوفني - واعوذ بالله- من ابليس
مـيت وتـبعث في خفا روحي احساس
كـنّك روائع مـن شـعر امـرئ الـقيـس
اوجــود فـكر الـشافـعي وابـن عـباس
تـرسـل عـلى النفس الكئيبة هواجيس
مـاكـنّ غـيرك فـي ثرى خاطري داس
مـرّوا مـثل حـرف الالـف قـافـية ليس
إلاّ مــرورك ألــهب كـفوف الاطـراس
شـفتـك وداهـمنـي خـيال الاحـاسـيس
الـناس يـاما ... وانت واحد من الناس
